ရွှေလီသား(မဘိမ်း)

Loading...

Thursday, 14 June 2012

စစ်ခွေး



ဝါဒ ကြောင်လို့
မဟောင်တက်ဘူး ....

သခင်ရှူးတိုက်
ရူးမိုက်မိုက်လည်း  မကိုက်တက်ဘူး .....

တော်သလင်းလ
ကာမဝင်ပူး ခွေးရူးလည်းမဟုတ်ဘူး .....

အမဲရိုးကြောင့်
သစ္စာစောင့်တက် ခွေးငတ်မဟုတ်ဘူး ....

အရိပ်မဲမြင်
လိုက်ဆွဲချင်တဲ့ ခွေးမိုက်လည်းမဟုတ်ဘူး ....

ကိုယ်ပိုင်ခံယူချက်ရှိတယ်
ကိုယ်ပိုင်လေ့ကျင့်မှုရှိတယ်

ကိုယ်ပိုင်ကျွမ်းကျင်မှုရှိတယ်
ကိုယ်တိုင်ယုံကြည်မှုရှိတယ်

ကိုယ်ပိုင်နံပါတ်ရှိတယ်
ကိုယ်ပိုင်ရိက္ခာစားတယ်

အများရဲ့ အန္တရာယ်
ကာကွယ်မဲ့ အလုပ်ကိုလုပ်တယ်

ငါသေတဲ့အခါ
ငါ့ကိုယ်မှာ လွှမ်းခြုံမဲ့
နိုင်ငံအလံ တစ်ထည် အဆင်သင့်ရှိတယ်

ငါ့သမိုင်းငါရေးလို့
လာရာ နဲ့ လားရာ  တွေ
ငါ့ ဆီ မှာအသေအချာရှိတယ်

ငါ့နာမည်  "စစ်ခွေး"   လို့ခေါ်တယ် ......။


(ရုပ်ဆိုး)https://www.facebook..မှကူးယူဖော်ပြပါသည်။



Wednesday, 6 June 2012

အစိုးရ၏တခုတည်းသောပြန်ကြားရေးသတင်းဌာန(သို့ )ရုရှားပည်ာတော်သင်များ


အမှန်တကယ်အွန်လိုင်းတွင်လူပြောများနေသောအကြောင်းအရာများသည်ရုရှားရောက်စစ်ဗိုလ်များဟုခေါ်ဝေါ်သုံးစွဲကြသည်။
ယင်းမှာမှားယွင်းသောအသုံးအနှန်းဖြစ်သည်။နိုင်ငံတော်မှာရုရှားနိုင်ငံသို့စေလွှတ်ရာတွင်အရပ်သားတစ်ဦးကဲ့သို့စေလွှတ်ခြင်းဖြစ်သည်။ ခေါင်းစဉ်တည်ပေးလိုက်ကတည်းကလူ့စွမ်းအားအရင်းအမြစ်ဖွံ့ဖြိုးရေးခေါင်းစဉ်သာဖြစ်သည်။သို့သော်ကာချူပ်ကြီးပြောသည့်အတိုင်းပင်
ယနေ့ခေတ်သည်စစ်ရေးအမြင်တခုတည်းရှိသည့်နှင်မလုံလောက်တော့သောအခြေအနေရောက်နေသည်အားလျှော်စွာဘက်စုံစစ်ပွဲအသွင်
ဖော်ဆောင်လာသည်။အစိုးရအားတိုက်ခိုက်ဝေဖန်သည့်မီဒီယာဆိုဒ်များပေါများစွာအွန်လိုင်းတွင်ရှိသော်လည်းအစိုးရဖက်တွင်ပြန်လည်ဖြေ၇ှင်း
နိုင်ခြင်းလွန်စွာအားနည်းသည်။ယင်းအချက်သည်အစိုးရအတွက်ပြည်သူများ၏ယုံကြည်ကိူးစားမူ့လျှော့ကျလာစေနိုင်သောအကြောင်း
အရာများထဲမှာတစ်ချက်အပါအ၀င်ဖြစ်သည်။သို့သော်ပညာတော်သင်များမှာပညာရေးအတွက်သာမကတိုင်းပြည်အတွက်လိုအပ်သည့်
နိုင်ငံအရေးဆိုင်ရာများတွင်အမှန်တရားအတွက်ခွန်းတုံ့ပြန်ခြင်းဖြင့်တိုင်းပြည်၏ပြန်ကြားရေးဖြစ်လာသည်။အထူးသဖြင့်အတိုက်အခံအင်
အားစုများသည်ယခင်အသုံးအနှန်းစစ်ခွေးများအဖြစ်သုံးနှန်းခဲ့ကြပြီ။လက်ရှိအစိုးရတက်လာသောအခါကြံ့ဖွံစစ်ခွေးဖြစ်လာသည်။ အမှန်တကယ်ထိုသူတို့လိုချင်သောဒီမိုကရေစီနိုင်ငံအသွင်တွင်စစ်တပ်သည်ကာကွယ်ရေးသက်သက်သာဖြစ်သည်။နိုင်ငံရေး
တည်ဆောက်ရေးမဏ္ဍီုင်ကြီး  ၅  ရပ်တွင်အုပ်ချူပ်ရေး၊တရားစီရင်ရေးနှင့်မီဒီယာတို့တွင်တပ်မတော်မှ မပါနိုင်သော်လည်းဥပဒေပြုရေးတွင်တော့ပါဝင်ဖို့လိုအပ်သည်။ထို့အပြင်ရုရှားရောက်စစ်ဗိုလ်များသည်လည်းကြံ့ဖွံ့အသင်းဝင်များမဟုတ်သလို
NLDအသင်းသားများလည်းမဟုတ်။ကြံ့ဖွံ့စစ်ခွေးဟုသုံးနှန်းနေသူများသည်အမှန်တကယ်ဥပဒေလည်းမသိ၊စကားပြောနိုင်ချင်ဇောအားကြီးစွာသုံးစွဲခြင်း
သက်သက်သာဖြစ်ပြီးဗဟုသုတနည်းပါးမှုကိုလူအများရှေ့ ထုတ်ဖော်သကဲ့ သို့ ဖြစ်ချေသည်။
အွန်လိုင်းမီဒီယာလောကတွင်ပြသနာတစ်ခုဖြစ်တည်လာလျှင်လက်ရှိအစိုးရနှင်နွယ်ပြီးရုရှားရောက်ပညာတော်သင်များကိုပါပူးပေါင်းပုတ်ခတ်ပြောဆိုကြသည်။
ယင်းမှားမှားယွင်းခြင်းသက်သက်သာဖြစ်ပြီးတပ်မတော်နှင့်ပါတီဖြစ်စေအစိုးရနှင့်ဖြစ်စေမည်သို့မျှဆက်သွယ်ခြင်းဆက်စပ်ခြင်းမရှိသည်ကိုမသိပဲပြောဆိုခြင်း
သက်သက်သာဖြစ်သည်။နိုင်ငံတော်ဖွဲ့စည်းပုံအခြေခံဥပဒေပုဒ်မ၂၀၊ပုဒ်မခွဲ(စ)အရတပ်မတော်သည်နိုင်ငံတော်ဖွဲ့စည်းပုံအခြေခံဥပဒေကို
ကာကွယ်စောင့်ရှောက်ရန်အဓိကတာဝန်ရှိသည်ဟုအတိအလင်းဖော်ပြထားသည်။မြန်မာနိုင်ငံတွင်မှမဟုတ်နိုင်ငံအသီးသီးတွင်နိုင်ငံ၏
တည်ငြိမ်အေးချမ်းမှုလျော့ရဲလာလျှင်စစ်တပ်မှပင်ဝင်ထိန်းပေးရသည်မှာလည်းသဘာဝဖြစ်သည်။ထို့ကြောင့်ရုရှားရောက်တပ်မတော်သားများတင်မဟုတ်
တပ်မတော်သားအားလုံးသည် အခြေခံဥပဒေကို ကာကွယ်ရန် အလုံးစုံတာဝန်ရှိသည်။

ပြည်သူ တချို့ အကောင်းမြင်တက်ရန်လိုသည်


မြန်မာနိုင်ငံ၏နောက်ဆုံး စခန်းသိမ်းတိုက်ပွဲများဖြစ်သော ၀ါးခသစ်ကဲ့ သို့ သော တိုက်ပွဲများတွင် ကိုက်၂၀၀ ပစ်ကွင်းထဲဝင်ပါက သေမည် သိသိနှင်ပင်တပ်မတော်သားများ အသက်ပေးခဲ့ ကြသည်။  အိုမီဂါ ရှိတ်ဟုလူပြောများသော စခန်းသိမ်းတိုက်ပွဲတွင် တပ်မတော်သားများစွာ   အသက်ပေး      လှူပြီးအင်္ဂါစွန့် လွတ်ခဲ့ကြရသည်။ကမ္ဘာကိုပင်မည်သို့မျှတိုက်ခိုက်ခြင်းမပြုနိုင်သောစခန်းဟုကြေငြာထားသောစခန်းအားတပ် မတော်၏စွမ်းပကားဖြင့်တိုက်ခိုက်ရရှိခဲ့သည်။မဲမဲမြင်သည့်အရာမှန်သမျှတိုင်းအားအဆိုးမြင်တက်ဖို့လိုသည်။ နိုင်ငံဒေသအသီးသီးတွင်ဘူတာရုံများလမ်းကင်းတံတားများ၊ဘုရားများ၊အသီးသီးတွင်တပ်မတော်သားများကျ ရာနေရာမှတာဝန်ထမ်းဆောင်လျှက်ရှိသည်။တိုင်းပြည်အတွက်ကျရာနေရာဒေသတွင်ပေးဆပ်နေသာသူများ ရှိသကဲ့သလိုဒုက္ခိတဖြစ်သွားသူများကိုလည်းမင်္ဂလာဒုံစစ်ဆေးရုံတွင်စိတ်ခိုင်ပါကသွားကြည့်နိုင်ပါသည်။ သို့သော်မည်သည့်တပ်မတော်သားများမှဆန္ဒမပြခဲ့ကြ။အဆိုးမြင်သူများကြားတွင်အကောင်းမြင်သောစိတ် ဖြင့်တိုင်းပြည်တာဝန်ကိုထမ်းဆောင်ခဲ့ကြသည်။ပြည်သူအများသည် ၂၀၀၈ နာဂစ်ထက် ၂၀၀၇ အရေးအခင်းကိုပိုမြင်ကြသည်။ရန်ကုန်ရှိလမ်းများမှသစ်ပင်များ၊လူသေကောင်များကိုတပ်မတော်သားများ ကပင်ဒိုင်ခံဆောင်ရွက်ခဲ့သည်။ဧရာဝတီတိုင်းဒေသတွင်လည်းကယ်ဆယ်ရေးလုပ်ရင်းပင်တပ်မတော်သားများ စွာအသက်ဆုံး၇ှုံးခဲ့ကြသည်။သို့သော်ထိုတပ်မတော်သားများနှင့်ပတ်သတ်သောမိဘသားချင်းသည်လည်း ကောင်းဆွေမျိုးများသည်လည်းကောင်းမည်သည့်မှတ်ချက်များမပေး၊ပေးဆပ်ရင်းဂုဏ်ယူကြသည်။ခြေတဖက် ပျက်သောကြောင့်လူ့အခွင့်တောင်းဆိုပိုင်ခွင့်ရှိလျှင်သို့တည်းမဟုတ်တိုင်းပြည်အတွက်အသက်ပေးလျှင် အကျိုးခံစားခွင့်ရမည့်ဥပဒေမျိုးကိုမည့်သည့်တပ်မတော်သားများ၏သက်ဆိုင်သူများတောင်းဆိုခြင်းမပြုခဲကြ။ တိုင်းပြည်အတွက်ရေစက်ချခွင့်မရ၊မိဘသေလျှင်ပင်တာဝန်အရပြန်လာနိုင်ခွင့်မ၇ှိသောအခြေအနေများ၊ မိန်းမကိုယ်ဝန်ရင့်မာအချိန်မျိုးပင် တိုင်းပြည်အတွက်ရှေ့တန်းထွက်ရသည့်သူများသည်မိမိရပိုင်ခွင်အရေး ထက်တိုင်းပြည်အရေးကိုဦးစားပေးသူများဖြစ်ကြပြီးလူ့အခွင့်အရေးတောင်းဆိုကာထောင်ကျနေသောသူများ ထက်တော့သာလွန်သောအလုပ်လုပ်နေသူများဟုထင်မြင်မိသည်။၂၀၀၈နာဂစ်ကယ်ဆယ်ရေးအတွက်ကိုယ် ထူကိုယ်ထဖြင့်တပ်မတော်သားများကြိုးပမ်းဆောင်ရွက်ခဲ့ကြသည်။ယင်းအခြေအနေတွင်အတိုက်အခံများမှ အနောက်နိုင်ငံများ၏ကူညီမူကိုမယူရကောင်းလားဟု   အပြစ်တင်ကြသည်။ဒုက္ခရောက်နေသောပြည်သူများ ကိုအရေးမစိုက်သောအစိုးရ ဟုအပြစ်တင်ကြသည်။ ဥပမာလေးတခု ပြပါမည်။  မိမိအိမ်သို့   ဆွေမျိုးမကင်းသော  သူ(သို့ )  မိန်းမဘက်မှ ညီမ ၊အမ ၊ ဦးလေး တစ်ဦးဦး အလည်ရောက်သော်အခါ မိမိမှလည်းကြာရှည်မကြည်ဖြူ၊မောင်းထုတ်ရန်လည်းမကောင်းအခြေအနေမျိုးကြုံဖူးကြလိမ့်မည်။အမေရိကန် သည်မဟာဗျူဟာအရမြန်မာနိုင်ငံတွင်စစ်စခန်းတည်ဆောက်ခွင့်ရချင်သည်။သို့မှသာတရုတ်နိုင်ငံ၏တခု တည်းသောထွက်ပေါက်ကိုပိတ်နိုင်မည်ဖြစ်သည်။မြန်မာနိုင်ငံပတ်ပတ်လည်တွင်အမေရိကန်စစ်စခန်းမရှိသော နိုင်ငံမ၇ှိ။ကယ်ဆည်ရေးများရောက်လာသောအခါကူညီပေးသည်မှာအဓိကမဟုတ်။ကယ်ဆယ်ရေးလုပ်ငန်းပြီး သွားသောအခါမောင်းထုတ်ရန်အတွက်အခက်အခဲဖြစ်မည်မှာအမှန်ဖြစ်သည်။သို့အတွက်ကြောင့်နိုင်ငံတော် အစိုးရသည်စစ်မှန်သောကူညီမူ့ဖြစ်ပါကထိုင်းနိုင်ငံမှတဆင့်ပို့ဆောင်ပေးပါရန်မေတ္တာရပ်ခံခြင်းဖြင့်အနာဂတ် အတွက်ကြိုတင်ပြင်ဆင်ခြင်းသက်သက်သာဖြစ်သည်။သို့သော်ပြည်သူများအကြားတွင်၂၀၀၇အရေးအခင်းကို သာပြေးမြင်ကြသည်။ရဟန်းတော်များမေတ္တာသုတ်ပွားများခြင်းသည်အရေးမဟုတ်သေး။ဘေးမှနိုင်ငံရေးသမားများ ၀ိုင်းဝန်းလာပြီးနိုင်ငံတော်တည်ငြိမ်ရေးကိုထိခိုက်လာခြင်းကသာအရေးဖြစ်သည်။မေတ္တာသုတ်ရွက်ဖတ်ပူဇော် သည်ဖြစ်စေ၊ဆန္ဒပြသည်ဖြစ်စေလူအများသွားလမ်းမတလျောက်မြို့တခုလုံးအုပ်အော်သောင်းနင်းဖြစ်သည် အထိတော့ဘုရားသားတော်များ(အစစ်)နှင့်အတူနိုင်ငံရေးသများတို့မလုပ်သင့်ဟုထင်မြင်မိသည်။အထူးသဖြင့် ကိုဇာဂနာပြောသော ဘုန်းကြီးများပါ ပါလာသည် အထိ သပိတ်အဖြစ်ပေါ်ပေါက်လာအောင် ကျနော် တို့ကြိုးပမ်းခဲ့ ကြတယ် ဆိုတဲ့  ရုပ်သံဖိုင်ကို ကြည့် ဖူးသူများ ပို မို့ သိရှိကြပေလိမ့် မည်။

နိဂုံးချူပ်

တပ်မတော်မှလမ်းပြကာဒီမိုကရေစီအတွက်ဦးဆောင်လမ်းဖောက်ပြီးဆောင်ရွက်နေသည့်အတွက်သင်္ချာ သဘောတရားအရပင်  နောက်ပြန်လှည့် မည့် အခြေအနေမရှိ။အာဆီယံ၏ကိုးစားမူကို ရယူပြီး နိုင်ငံတကာ၏စောင့်ကြည့်နေသည့်ကြားတွင်ဖြေဖြေးနှင့်မှန်မှန်လက်ရှိအစိုးရဆောင်ရွက်လျှက်ရှိသည်။အတိုက် အခံဆိုသည်ထက်ပူးပေါင်းဆောင်ရွက်မူမျိုးရှိမှသာနိုင်ငံတနိုင်ငံ၏တိုးတက်မူကိုအလျှင်အမြန်ရှာတွေ့နိုင်မည် ဖြစ်သည်။ မဲမဲမြင်ဆဲမည့်သူများသည်လည်း တပ်မတော်နှင့်ကြံဖွံ့ အဖွဲ့အစည်းခွဲခြားသိ၇ှိရန်လိုသည်။ ဒေါ်အောင်ဆန်းစုကြည်လွှတ်တော်ရောက်သောအခါNLDနှင့်ဒေါ်အောင်ဆန်းစုကြည်ကိုခွဲခြားသိမြင်နိင်ရန် လိုအပ်သည်။ကိုဇာဂနာသည်လည်းစကားလုံးတိုင်းသည်ဟာသမဖြစ်ပါဆိုသည်ကိုလည်းသိရှိနိုင်ရန်လိုအပ် သည်။ပြည်သူအများသည်လည်းဒီမိုကရေစီဟုဆိုလိုက်သည်နှင့်တပြိုက်နက်တည်းမင်းမဲ့စရိုက်ဆန်ဆန်အ ကြမ်းမဖက်ဖို့လိုအပ်သည်။ရပိုင်ခွင့်တည်းဟူသောအခွင့်အရေးထက်ဘောင်ကျော်လျှင်ဒီမီကရေစီတွင်လည်း တရားဥပဒေစိုးမိုးမူဖြင့်ချူပ်ကိုင်ထားသည်ကိုသိရှိရန်လိုအပ်သည်။လိုချင်သောအခွင့်အရေးအတွက်နည်းလမ်း ကျစွာဆန္ဒဖော်ပြခွင့်ရှိသော်လည်းအလွန်အကျွံဖြစ်လာလျှင်မူဒီမိုကရေစီဘိုးတော်နိုင်ငံဖြစ်သည့်အမေရိကန် တွင်လည်းရဲများသည်အကြမ်းဖက်သည်။သို့ပါသောကြောင့်လက်ရှိလူငယ်များအနေဖြင့်နိုင်ငံ၏ပြောင်းလဲမှု အဆင့်ဆင့်တိုင်းအတွက်အကျိုး၇ှိစွာပါဝင်ပူပေါင်းဆောင်၇ွက်ခြင်းဖြင့်တိုင်းပြည်တာဝန်ကိုထမ်းဆောင်ရန် တာဝန်ရှိပေတော့ သည်။
(မင်းသန့် )

Tuesday, 22 May 2012

အမေခြင်းတော့  တူတယ် ဒါပေမဲ့ စစ်သားအမေ



မယုံနိုင်ဘူး ကံတရားရယ်……။ခပ်ခါးခါး ဒီလို အဖြစ်အပျက်မျိုး ကြုံရမယ်လို့  အိမ်မက်တောင် မမက်ဖူးခဲ့ သူရယ်ပါလေ………။တအိမ်လုံးဝမ်းနည်းနေကြတယ် ….။ဘယ်သူကိုမှလည်း စကားမပြောနိုင်ကြဘူး….။အမှတ်တရဆိုလို့  ချန်ထားခဲ့ တဲ့  ဓါတ်ပုံမှာတော့  ပြုံးရီပြဆဲ မျက်နှာ ချိုချို တချို့ ရယ်ပေါ့ ………..။

ရင်နဲ့ လွယ်ပြီး မွေးဖွားခဲ့ တဲ့  သားက ကျမရင်ခွင်ထဲက ထွက်ခွာသွားမယ်ဆိုတာ သိလိုက်ရချိန်မှာ ကျမ အပြုံုးတုတချို့ နဲ့ ပဲ မျက်ရည်ကျနေမိခဲ့ တာပါ…။သားက သိပ်စကားတက်တယ်…။
မငိုပါနဲ့  မေမေရယ် သားက မေမေ့ ကို တသက်လုံးပြစ်သွားတာမှမဟုတ်တာ ။သားရဲ့ ရည်ရွယ်ချက်၊သားရဲ့ အနာဂတ်ကို ပုံဖော်ဖို့  သားကို ခွင့် ပြုပါနော်တဲ့  ……………..
စစ်တက္ကသိုလ် တက်ဖို့  ခေါ်စာလေး သတင်းစာမှာ စပါတဲ့ အချိန်တုန်းက သားငယ်ပြောခဲ့ တာလေးပေါ့ …။နောက် သူလမ်းကို သူဖောက် သူ အနာဂတ်လမ်းကို သူလျှောက် ဖို့  အားပြင်နေတုန်းမှာ ကျမ လေ ……………….အတ္တကြီးစွာနဲ့  ဆွဲထားမိချင်သားပေါ့ …။မသွားပါနဲ့ လား သားရယ်လို့ တော့  ပြောချင်မိသားလားလေ…..။ဒါပေမဲ့  အဲဒီစကားလုံး တလုံးအစား သား အစစအရာရာ အဆင်ပြေပါစေလို့  ပဲ ကျမ ဆုတွေ ပေးဖြစ်မိခဲ့ တယ်ထင်ပါတယ်…………….။



ဒီလိုနဲ့  သေတ္တာလေး တလုံးဆွဲပြီး တအိမ်လုံးကိုကျောခိုင်းတုန်းက စိမ်းကားလိုက်တဲ့ သားငယ်လို့ တောင်ထင်မိလိုက်သေးတယ်…။တချက်လေးတောင် သားငယ် က စောင်းငဲ့ ပြီးတောင် မကြည့် ခဲ့ ဖူးလေ…။ဒါပေမဲ့  ရှိုက်သံတချို့ နဲ အတူ သားငယ် ငိုနေပါ့ လားအသိနဲ့ ကျောပြင်လေးကို သပ် သားငယ်ထွက်ခွာသွားတဲ့ အရပ်မှာ ဘေးရန်ကင်းပါစေလို့  တော့  တအိမ်လုံး ဆုတောင်းပေးဖြစ်ခဲ့ ကြတယ်………………………။မှတ်မှတ်ရရပေါ့ …။ဖေဖော်ဝါရီ (၂)ရက်မြောက် ပြင်ဦးလွင်ကို သားငယ်ရောက်ချိန် အေးနေေ၇ာ့ မယ်လို့ တော့  စိတ်ပူမိသေးတယ်လေ………..။

ဒီလိုနဲ့  အချိန်တွေကို ကျော်ဖြတ် သားငယ်မရှိတဲ့  အိမ်အတွက်တော့  အရာရာနတ္တိ ဗလာအတိရယ်ပေါ့ …။တအိမ်လုံး ရဲ့  အထွေးဆုံးမို့  အချစ်ပိုကြရတဲ့  သားငယ်လေး။ကျမ အပါအ၀င် သူ့ အဖေက လည်း အချစ်ပို ၊အမကလည်း အချစ်ပိုသူမို့  သားငယ်က နည်းနည်းလေးတော့  ဆိုးချွဲချွဲသည်….။လိုတာမရလျှင် ဒေါသကြီးတက်သော သားငယ်။အစားအသောက်ကောင်းကိုသာ ခုံမင်တက်သော သားငယ်..။နည်းနည်းလေး ပင်ပန်းလျှင်တောင် ငြီးညူတက်တဲ့  သားငယ်….။မုန့် ဖိုး တောင်းတိုင်း သတ်မှတ်ထားတဲ့  ပမာဏ မရလျှင် အစာငတ်ခံ ဆန္ဒပြတက်သော သားငယ် ….။တပ်မတော်မှာ အခြေကျ နေပျော်ပါ့ မလားလို့  အချိန်တိုင်း စိတ်မှာတွေး ခပ်လေးလေး သက်ပြင်းချသံကြားမှာ ကျမ စိတ်ပူခဲ့ ရပေါင်းများခဲ့ ပါပြီ……။
တကယ်မယုံနိုင်မိဘူး….။ပထမနှစ်ခွင့် ပြန်ရက်တွေရလို့  သားငယ်အိမ်ပြန်ရောက်ချိန်ပေါ့ …။ဖြူနုတဲ့ သားငယ်တစ်ယောက် အသားအရည်တွေပြောင်းသွားခဲ့ တယ်။မဲတူးနေတဲ့  မျက်နှာပြင်မှာ ဘာမှမဖြစ်ပါဘူး စစ်သားပဲ ပင်ပန်းမှာပေါ့ တဲ့  အပြုံးတွေနဲ့  အလှဆင်ပြီး အမေတစ်ယောက်ကို ပေါ့ ပေါ့ ပါးပါးပြောပြနေဟန်ပေါ့ …။ဟင်းတွေက အရမ်းစားကောင်းတာပဲ မေမေရယ်တဲ့  …။ခေါင်းမဖော်တမ်းစားတဲ့ သားငယ်ကို တွေ့ တော့  တအိမ်လုံး ပီတိ အပြုံးတွေနဲ့ ပေါ့ ။အပေါင်းအသင်းကို ခုံမင်တက်တဲ့ သားငယ်က သူငယ်ချင်းတွေလာခေါ်တာတောင် လိုက်မသွားတော့ ဘူး။သားက ခွင့် ရတာ(၂၈)ရက် တနှစ်ကို မှလေတဲ့ ။အိမ်ကိုခွဲပြီး သားဘယ်မှ မသွားချင်ဘူး၊ခွင့် ရသခိုက်လေးတော့  မေမေ၊ဖေဖေနဲ့  မမတို့  နဲ့ ပဲ အတူတူနေပါရစေတဲ့ လေ။။အရင်အိမ်မှာနေရင် တခုခုခိုင်းရင်တောင် ငြူစူတက်တဲ့ သားငယ်က လိုလိုမင်မင်နဲ့  အိမ်အလုပ်တွေကို ၀ိုင်းကူလုပ်ပေးနေပြန်သေးတယ်…။သူ့  အမက အ၀တ်တွေလျှော်ပေးမယ်ဆိုတာတောင် ငရဲကြီးလိမ့် မယ် ။သားဖာသာ လျှော်ပါ့ မယ်ဆိုပြီး ပုဆိုးတိုတိုဝတ် အ၀တ်စိုတွေ ရစ်ညှစ်နေပုံက အမေ တစ်ယောက်ရဲ့  ပီတိ ကျမရင်ခွင်ကို လှမ်းကြည့် လို့ မြင်နိုင်မယ်ဆိုရင်တောင် ဘယ်အတိုင်းအတာဆိုတာ မြင်နိုင်ပါလိမ့် မယ်နော်………။.

စစ်ဗိုလ်လေ မေမေ ။ အမြဲတမ်း စမတ်ကျနေရမယ်…။အ၀တ်အစားကို သေသပ်စွာဝတ်ရင်းပြောပုံက ကျမရင်ထဲက အပျော် တော်တော်နဲ့  ပြောမပြနိုင်ခဲ့ ဘူး။စစ်တပ်ရဲ့ ပုံသွင်းမူ့ အောက် မှာ သားငယ်မာနတွေ ပျောက်ကုန်ပြီထင်ပါရဲ့ ။ဖု ထစ်နေတဲ့ လက်မောင်းသားတွေကို ပြပြီး လေ့ ကျင့် သားပြည့် ဝနေရမယ် မေမေရသိလား…။ဒါမှ လက်အောက် ငယ်သားတွေက အားကိုးမှာ ။ပြီးတော့  ပြည်သူအတွက် သားအလုပ်ပိုလုပ်နိုင်မှာတဲ့ လေ….။
သားငယ်ရဲ့ အပြောတွေကြားမှာ တအိမ်လုံး နားစိုက်ထောင်ရင်း မရိုးနိုင်တဲ့  စစ်တက္ကသိုလ် ရဲ့  ပြုစုပျိုးထောင်ပေးမူ့ တွေကို ကျေးဇူးတင်နေမိတယ်…။ဒီလိုနဲ့ ခွင့် ပြန်ရက်တွေကုန်ဆုံးပြီး မုန်းခဲ့ တဲ့  ခွဲခွာခြင်းတွေက အလိုတသိ ရောက်လာခဲ့ ပြန်တယ်…။ကျမခြေဦးထက် သားငယ် ခေါင်းအပ်လို့ ရှိခိုးတော့  မျက်ရည်တွေကျ ကျမ ထိန်းမရခဲ့ ဘူး…..။

ဒီလိုနဲ့ စစ်တက္ကသိုလ်မှာ (၃)နှစ် ပြီးတော့  တာဝန်ကျရာ မြစ်ကြီးနားကို သွားရပြန်တော့ မဲ့ သားတစ်ယောက် ဘေးဒုက္ခတွေ မကျရောက်စေဖို့  ဘုရားမှာ ဆုတွေတောင်း ဖြစ်ခဲ့ ပြန်တယ်….။တကယ်တော့  သားအသက်က အလွန်ဆုံး ရှိလှ (၂၀)ပေါ့ ။ပတ်ဝန်းကျင် အနေအထား နဲ့  အရောင်အသွေးစုံတဲ့  လောကကြီးမှာ တကယ်ဆို ဒီအသက်အရွယ်က သိပ်ငယ်သေးတယ်မဟုတ်လား။

ကြေးနန်းစာကို ရတော့  ကျမခေါင်းတွေ မူးဝေသွားခဲ့ ရတယ်…။ရက်စက်လိုက်တာ….ကံတရားရယ်…။ကျမ ကို ကျမ ပဲ သားစစ်ထဲဝင်တာကို မတားမိသူတစ်ယောက်အနေနဲ့  အပြစ်တင်ရမလား…။။။တကယ်တော့  လူ့ လောက မှ သားငယ်အသက်ရှင်နေထိုင်ဖို့  အချိန်များစွာ ကျမတို့ ထက် ပိုကျန်ရှိနေသူတစ်ယောက်မဟုတ်လား…။

မယုံနိုင်ဘူး ကံတရားရယ်……။ခပ်ခါးခါး ဒီလို အဖြစ်အပျက်မျိုး ကြုံရမယ်လို့  အိမ်မက်တောင် မမက်ဖူးခဲ့ သူရယ်ပါလေ………။တအိမ်လုံးဝမ်းနည်းနေကြတယ် ….။ဘယ်သူကိုမှလည်း စကားမပြောနိုင်ကြဘူး….။အမှတ်တရဆိုလို့  ချန်ထားခဲ့ တဲ့  ဓါတ်ပုံမှာတော့  ပြုံးရီပြဆဲ မျက်နှာ ချိုချို တချို့ ရယ်ပေါ့ ………..။


ချစ်သော သားငယ် ကောင်းရာသုဂတိ လားပါစေလို့ ရယ်ပေါ့  ………………..

ချစ်သော မေမေ


စစ်တက္ကသိုလ် အပတ်စဉ်(၅၂) အ.ဇ.ယ (၉) မှ ညီငယ် ဗိုလ်မင်းထွဋ်ဦး မြစ်ကြီးနားတိုက် ပွဲတွင် တာဝန်ထမ်းဆောင်ရင်း ကျဆုံးသွားမူ့  အား ခံစားရေးဖွဲ့ ခြင်းဖြစ်ပါသည်.။

(မင်းသန့် )

်ညီလေးမင်းသန့်ဖေ့စ်ဘုတ်မှကူးယူဖော်ပြပါသည်။ 

Monday, 21 May 2012

ပန်းသီသောကြိုး




...............ဟာ...ပန်းကုံးလေးကလှလိုက်တာ..။ ပန်းကုံးလေးကပန်းလေးတွေကလှလိုက်တာ.... 
ပန်းကုံးလေးတစ်ကုံးလှရင်တော့လူအများအထက်ပါစကားအတိုင်းချီးကျူးကြသည် ။ နမ်းရှိုက်ကြသည် ။ 
တချို့ ကအောင်ပန်းကုံးအဖြစ်စွပ်ပေးကြသည် ။ သို့ သော် ပန်းကုံးရှိ ပန်းကလေးများအောက်တွင်ရှိသော 
ပန်းကုံးကိုခိုင်ခန့် အောင်လှပအောင် သီပေးထားသော ကြိုး(တနည်းအားဖြင့်) ပန်းသီသောကြိုး ကိုတော့ဖြင့် 
မည်သူမှမချီးမွမ်းသလို မည်သူကမှ မနမ်းရှိုက်ကြပေ ။ သို့ သော်လည်း ပန်းကုံးမှ ပန်းကလေးများရဲ့အောက်က 
ကြိုး (တနည်းအားဖြင့်) ပန်းသီသောကြိုး ကလေးကတော့ ပန်းကလေးများ စီစီရီရီနှင့်အစဉ်လှနေအောင် သူ့ ကျောပေါ်တင်  
ထမ်းထားဆဲ.... လေပွတိုက်ခတ်လာလျှင်လဲ တပွင့်ခြင်းစီတကွဲတပြားလွင့်ထွက်မသွားမောင် သူ့ ကျောပေါ်တင် 
သွယ်တန်းထားကာ ထမ်းထားဆဲ..။။။ မည်သူကမှ မချီးကျုး မနမ်းရှိုက်သော်လည်း ပန်းကလေးများ စီရီစုစည်းလှပစေရန် 
အတွက် ပန်းကလေးများအောက်မှ အဓိကကျောရိုးဖြစ်သော ပန်းကုံးကိုသီသောကြိုး (တနည်းအားဖြင့်) ပန်းသီသောကြိုး.....  

.....ဟာ... ဒီနိုင်ငံကလှလိုက်တာ ..။ တိုးတက်မယ့်အလားလာရှိတဲ့နိုင်ငံပဲ.. ။
ရေခံမြေခံကောင်းသောနိုင်ငံဖြစ်သဖြင့်တချို့ ကချီးကျူးကြသည် ။ ထောပနာပြုကြသည်.. ။ 
သို့ သော်.. တချို့ က မိမိရုပ်သေးဆွဲလို့ ရမည့်အစိုးရတင်ချင်ကြသည် ။ တချို့ ကဖျက်လိုဖျက်ဆီးလုပ်ကြသည် ။
လေပွေစကားတွေနှင့်သွေးထိုး မြှောက်ပေးကြသည် ။ တပွင့်ခြင်းစီလွင့်ထွက်သွားမှ ကိုယ်လိုရာပုံသွင်းဖို့ တချို့ ကကြံစီကြသည်။ 
သို့ သော်လည်း  ကွဲပြားနေသောပန်းကလေးများကို ငြိမ်းချမ်းရေးလက်နှင့်လိုက်ကောက်ကာ စုစည်းပေးနေသော လက်ရှိအစိုးရနှင့် 
ပန်းကလေးများကို လေပွေတိုက်လျှင်တကွဲတပြားစီလွင့်ထွက်မသွားစေရန်အတွက် ကျောပေါ်တင်စုစည်းကာကွယ်ပေးမည့် 
အမျိုးသားရေးကိုသစ္စာမဖောက်သည့် တပ်မတော် (သို့ မဟုတ် ) ပန်းသီသောကြိုးတို့ မှ နိုင်ငံရဲ့တိုးတက်သောအသီးအပွင့် 
ပန်းကလေးများ ကြားလေပွေထိုးသဖြင့် တကွဲတပြားလွင့်ထွက်မသွားစေရန်အစဉ်သတိပြုကာကွယ်စောင့်ရှောက်လျှက်ရှိပြီး 
ပန်းကလေးများနှင့်အလားတူသောမိဘပြည်သူတို့  အများအလည်တွင် မွှေးရနံ့ သင်းပြန့်  ဂုဏ်တင့်စေရန် ထာဝရ 
ပခုန်းပေါ်တင်ပြီး ပန်းသီသောကြိုးသကဲ့သို့  ထမ်းဆောင်နေဆဲပါ ။  
ထို့ ကြောင့်...ထို့ ကြောင့်....ထို့ ကြောင့်.....  
မည်သူကမှ မချီးကျုး မနမ်းရှိုက်သော်လည်း ပန်းကလေးများ စီရီစုစည်းလှပစေရန် 
အတွက် ပန်းကလေးများအောက်မှ  ထမ်းပိုးကာ မွှေးပြန့် သောပန်းကုံးထာဝရတည်တန့် စေရန်အတွက်
ပန်းကုံးကိုသီသောကြိုး (တနည်းအားဖြင့်) ပန်းသီသောကြိုး.....  ကိုဖြင့်ပြစ်ပယ်လို့ ကိုမရကြောင်းပါခင်ဗျားးးးး..။။ 

 
by ကို ခိုင်ဇော် on Wednesday, April 25, 2012 at 5:08pm ·


။။။။။။။။။။။။။။။။။။။။။။။။။။။။။။။။။။။  ကိုခိုင်ဇော် ။။။။။။။။။။။။။။။။။။။။။။။။။။။။

Sunday, 13 May 2012

စစ်ပွဲတစ်ပွဲအပြီး ယမ်းခိုးဝေတဲ့ ခန်းဆီးနောက်ကွယ်မှာ အိပ်မောကျမိသော်

မနေ့က ညနေခင်းတောင် ကျနော် ဒီနေရာကို လမ်းလျှောက်ဖြစ်ခဲ့တယ်...။ ဒီလယ်ကသင်းပေါ်မှာတောင် ကျနော်မတ်တပ်ရပ်ပြီး နေဝင်ချိန်
ဆည်းဆာကို ကင်မရာနဲ့ မှတ်တမ်းတင်ခဲ့သေးတယ် ...။ အခုတော့...
အတွေးမဆုံးခင်." ဝုန်း" ဘေးနားက မြေကြီးဖွာထွက်သွားတယ်..နားတွေလည်း အူပြီး မျက်လုံးထဲကို သဲတွေ ဝင်လာလို့ အမြန်မှိတ်လိုက်ရတယ်..။လခွီး..၄၀ မမ င်္ဗုးသီးပြုတ်ကျတာဟ...။ချက်ချင်းပဲ ဘယ်ဘက်ကို ၃ ပတ်လောက် လှိမ့်ပြီး ခမ်းလှမ်းလှမ်းမှာ ရှိနေ
တဲ့ ရေဗွက်ထဲကို ဆင်းလိုက်တယ်..။ပြီးတာနဲ့ ရှေ့ကို သေနတ်ပြောင်းလှည့်မိတယ်..။ ဘာဖြစ်တာလဲ..သူကစပစ်တာလား..ကိုယ်ကစပစ်တာလားတောင် မသိလိုက်ဘူး..။သေနတ်သံတွေ ဆူညံပြီး တဝီဝီနဲ့ ကျည်ဆံတွေ ဖြတ်လာတယ်...ရုပ်ရှင်တွေထဲကလို တော့ တကယ့်စစ်မြေပြင်မှာ သေနတ်ခါးပိုက် ရင်ကော့ပြီး ပစ်တာတော့ မတွေ့ဖူးဘူး..။ကျည်ဆံဖြတ်လာသံ တွေ အတွဲလိုက်ဆွဲတဲ့ ရိုင်ဖယ်သံကြားတာနဲ့ အကာအကွယ်ရှိတဲံ့နေရာကို ဒိုင်ဗင်ထိုးဝပ်လိုက်တာပဲ..။
ငယ်ငယ်တုန်းက သေနတ်ပစ်တမ်းကစားတုန်းကတောင် ၁ -နေရာယူ ကနေ စခဲ့တာပဲလေ.ကျနော်လည်း သွေးနဲ့ကိုယ် သားနဲ့ကိုယ်။
ဘာလုပ်မလဲ
ဘာလုပ်မလဲ..ခေါင်းထဲဝင်လာတဲ့ အတွေးများ..။ဟုတ်ပြီ..ငါ့ကောင်တွေ ဘာဖြစ်နေသလဲ..။ဘယ်ညာရမ်းကြည့်တော့ မဆိုးပါဘူး..။
ဟိုဘက်ကို သူဟာနဲ့သူ ပြန်ပစ်နေပြီ..။တပ်ကြပ်ကြီးကလှမ်းအော်နေတယ်.."ဗိုလ်လုံ..ဗိုလ်လုံ."
"ကျုပ်..ဒီမှာ.".လှမ်းအော်လိုက်တယ်..သူနေရာကနေ ခါးလေးကုန်းလို့ပြေးလာတယ်.." ဗိုလ်လုံ ..အခြေအနေ..ဘာဖြစ်သေးလဲ."
အမေးကို ကျနော် သူမျက်နှာ မကြည့်ပဲ ဖြေလိုက်တယ်.ပြီးတော့" ဘာမှ မဖြစ်ဘူး..ခင်ဗျား အခု ညာဘက် ၁၂ နာရီခွဲက တောင်စောင်းအခြေ လမ်းအကွေ့ကို တွေ့လား " .." တွေ့ပြီ..တရုတ်စက်လက် "..ကျုပ်အဲဒါကြောင့် ဒီဆရာကြီးကို သဘောကျတာ..အရိပ်ပြရင် အကောင်မြင်တယ်..။ " အဲဒီကို 40 m နဲ့ ပြန်ထုဗျာ.ပြီးရင် ဆရာလှဆောင်တို့ကိုသွားခေါ်..ကျုပ် ဆီကိုလာပေါင်း " လို့ ပြောအပြီးမှာ ဘာမှပြန်မဖြေပဲ အမ်အေ၄ ကို ဗုံးသီးထည့်ပြီး နှစ်လုံးဆက်တိုက်ခုနကကျနော်ပြတဲ့နေရာကို ပစ်ပြီး လယ်ကန်သင်းမှာ တန်ပြန်ပစ်နေတဲ့ ဆရာလှဆောင်နဲ့ရဲဗဘ်ာတွေဆီ လှိမ့်ထွက်သွားတယ်..
ကျနော်လည်း ခပ်လှမ်းလှမ်းက ကားလမ်းအစပ်ကို ပြေးတတ်သွားတယ်..ကားလမ်း ညာဘက်က လယ်ကွင်းနဲ့ချောင်း..ဘယ်ဘက်က တောင်စောင်းဆိုတော့ ကားလမ်းအပေါ်တောင်စောင်းဆီ ပြေးတတ်သွားတဲ့ အဖွဲ့တွေနဲ့ သွားပေါင်းလိုက်တယ်..ကြည့်ရတာ ဒင်းတို့လည်း အလာ..ကျုပ်တို့လည်း ချောင်းကိုဖြတ်.လယ်ကွင်းကနေကားလမ်းကို အတတ်မှာ ဗြုန်းဆို တွေ့တာကိုးဗျ..။
ဟုတ်ပြီ..ဆက်သွယ်ရေးရဲဘော်..ဘာဖြစ်နေလဲ..လိုက်ရှာ..လိုက်ရှာ..ဟိုက်သောက်ကြိုးနဲ..ကျုပ်ဝပ်နေတဲ့ ပထမနေရာကို ကျတဲ့ 40m နဲ့ တစစီဖြစ်ကျန်ခဲ့တာပါလား.ဆက်သွယ်ရေးစက်ကလေးကတော့ လယ်ကွင်းထဲမှာ..တစောင်းလေးပေါ်လို့..။
ခွီးထဲမှပဲ...မိုးကလည်းကျလာသေးတယ်..ဆိုးလိုက်တဲ့ကံ..လယ်ကွင်းကနေ တတ်လာမဲ့အဖွဲ့ကို ကာပစ် နေရင်း သေနတ်သံတွေ ကြားက လွင့်နေတဲ့ ဆဲသံက အိမ်ကအမေနဲ့နှမတွေကြားရင် ဖင်ကြိမ်းလိမ့်မယ်..။ဟူး..
ပုခုံးသိုင်းကြိုးမှာကပ်ချုပ်ထားတဲ့ အိတ်လေးထဲကနေ စကုပ်(သေနတ်မှန်ပြောင်း)ကို ထုတ်လိုက်ပြီး သေနတ်မှာ တပ်လိုက်တယ်.ပြီးတာနဲ့ ဘယ်ဘက်က သစ်ငုတ်တိုတွေကြား မိကျောင်းသွား သွားလိုက်တယ်..အိုကေ..အသက်မှန်မှန်ရှူ..စိတ်ကို ငြိမ်အောင်ထား...ကိုယ့်ဘာသာ သတိပေးရင်း ပစ်မှတ်ကို ရှာလိုက်တယ်..တွေ့ပြီ..ဆရာသမားက ငုတ်တုတ်ထိုင်ပြီး ကောင်းကောင်းဆွဲနေတာ..လည်ပင်းနားချိန်ပြီး မောင်းခလုတ်ဖြုတ်လိုက်တယ်..သွားပေရော့တစ်ယောက်..နောက်တစ်ယာက်
ထပ်ရှာ..လှဲနေတဲ့ သစ်ပင်ကို အကာအကွယ်ယူပြီး ပစ်နေတာ..ခြေထောက်လေးထွက်နေတာ တွေ့တော့..ရော့..နောက်တစ်ယောက်.
* ကျနော် ပစ်လိုက်တဲ့ လူမှာ သားသမီးများရှိမလား.ကိုယ်ဝန်ကြီးနဲ့ မိန်းမက အိမ်ပြန်ချိန်စောင့်နေမလား..ကျနော် မသိဘူး..ကျနော်သူကို မမုန်းပါဘူး..ရန်ငြိုးလည်း မရှိဘူး..ဒါပေမဲ့ ပစ်နေရတယ်.အသေပစ်နေရတယ်..*

                                 လူတစ်ယောက်တိုင်း တစ်ယောက်ပြီးတိုင်းကို
                                 ပစ်ပြီးတိုင်း ပစ်ပြီးတိုင်းမှာ
                                 ငါကိုယ်တိုင် သူတို့နဲ့ အတူတူ
                                 လိုက်ပြိး သေနေသလို ခံစားရတယ်
state ကျောင်းသားဘဝက ဖတ်ခဲ့တဲ့ စာကြောင်းတစ်ကြောင်း..ဘာလို့ ကျနော်ကိုယတိုင် ဖြစ်နေတာလဲ..
နောက်ထပ် ထပ်ရှာတော့ ရိပ်ခနဲ မတ်တပ်ရပ်လိုက်တာ တွေ့တယ်..ချိန်နေတုန်းပဲရှိသေး မောင်မင်းကြီးသား တကိုယ်လုံး မီးခိုးတွေ ထွက်ပြီး မှန်ပြောင်းထဲကို အရိပ်ဖြူကြီး ဝင်လာတယ်.." ဟိုက်..RPG" သောက်ကျိူးနည်း..ကုန်းထပြီး လှည့်အထွက်..ခန္ဒာကိုယ်တခုလုံးမြောက်တတ်သွားတယ်..ခွေးကျ ကျတယ်ဆိုတာ ဒါမျိူးထင်တယ်..ကျောကုံးတစ်ခုလုံး အက်ဆစ်နဲ့ ပက်ခံထားရသလိုပဲ..။ ပြေးဝင်လာတဲ့ ရဲဘော် နှစ်ယောက်..ကြားတစ်ချက်..မကြားတစ်ချက် အသံတွေ..မျက်လုံးထဲမှာ အဖြူရောင်ကလွှဲလို့..ဘာမှ မမြင်တော့..။။
**************************
******************
********
ဘယ်လောက်တောင် အိပ်ပျော်သွားတယ် မသိဘူး..။ မျက်လုံးအဖွင့်မှာ ကျနော်နူးညံတဲ့ နေရာကို ရောက်နေတယ်.ပတ်ဝန်းကျင်တစ်ခုလုံး အဖြုပဲ.ဘယ်နားကြည့်ကြည့် အဖြူပဲ..ဝူခုန်းကားက နတ်ပြည်လိုပဲ..။
ရုတ်တရက် ဘေးနားကို ပြောက်ကျားဝတ်စုံနဲ့ လူတစ်ယောက် ရောက်လာတယ်..ကျနော်ကို ငုံကြည့်တယ်..ပြိးတော့..သူကအော်လိုက်တယ်.." ဟေ့..လူသစ်ရောက်တယ်ဟေ့"..ချက်ချင်း ဘေးနားမှာ လူတွေဝိုင်းအုံလာကြတယ်
အားလုံး စစ်ယူနီဖောင်းတွေနဲ့..သေသေချာချာကြည့်လိုက်တယ်.အားလုံး လက်မောင်းတံဆိပ်တွေ မပါဘူးရာထူးအဆင့်အတန်းတွေ မပါဘူး..ကျနော်ကိုယ်ကျနော် ပြန်ကြည့်မိတယ်.ကျနော်ပုခုံးပေါ်က အပွင့်တွေလည်း မရှိဘူး.လက်မောင်းက တံဆိပ်တွေလည်း မရှိဘူး..။ဇဝေဇဝါဖြစ်နေတဲ့ ကျနော့်ကို ကျနော်လို စစ်ယူနီဖောင်းနဲ့ လူတစ်ယောက်က လက်ဆွဲနှူတ်ဆက်ပြီး ပြောတယ်.." ကိုတို့ ငြိမ်းချမ်းသော နယ်မြေက ကြိုဆိုပါတယ်  ညီလေး.."တဲ့."ဗျာ.ဘယ်လို ငြိမ်းချမ်းသောနယ်မြေ.ဟုတ်လား".ကျနော်ပြန်မေးမိတယ်..ညာဘက်အစွန်က လူက ထပြောတယ်"ဒီနေရာမှာ ဝါဒစွဲတွေမရှိဘူး.ပုဂ္ဂိုလ်ရေး ကင်းတယ်.အားလုံးက လူတွေ.အထူးသဖြင့် မြန်မာနိုင်ငံသားတွေ စုစည်းနေတဲ့ နေရာပဲ".ဒီလူကြီး ယူနီဖောင်းကိုတွေ့ဖူးပါတယ်..ဟိုက် ဒီဘဲကြီး ဗကပ ကပဲ.."ဟုတ်တယ် ဒီနေရာမှာ အမုန်းတွေ ကင်းသွားတယ် အငြိုးတွေလည်း ပျောက်သွားတယ်".ပြောတဲ့လူက ကေအန်ယူ ပျောက်ကျားကြီးနဲ့."ဒီနေရာမှာ စစ်ပွဲတွေမရှိတော့ဘူး."
လို့ ခုနက စစ်ယူနီဖောင်းနဲ့လူက ပြောတယ်.".နောက်တစ်ခုက ငါတို့သေသွားပြီးပြီ"..လူအုပိထဲက ထွက်လာတဲ့ အသံပိုင်ရှင်ကို ကြည့်လိုက်တော့..လား လား..ခုနလေးတင် ကျနော် လည်ပင်းကိုချိန် ပစ်လိုက်တဲ့ ကချင်လေး.နဲ့ ကျနော်နေရာကို အာပီဂျေနဲ့ ပစ်တဲ့ ရှမ်းလေး.သူတို့အပြုံးတွေမှာ အမုန်းတွေမပါဘူး.ကျနော် သိလိုက်ပါပြီ..ခုနက အာပီဂျေဗုံးဆံနဲ့ ကျနော်သေသွားခဲ့တယ်.ပြီးတော့ ဒီနေရာကို ရောက်လာတယ်.ဒီနေရာမှာ ငြိမ်းချမ်းရေး အပြည့်ရှိတယ်.ကျနော်ပြူံးမိတယ်..ပြီးတော့ ရီလိုက်မိတယ်.အားလုံးလည်း ရီကြပြီး ထွက်သွားကြတယ်.ကျနော်လည်း ချက်ချင်း  ထလိုက်တယ်..အားလုံးမှာ အပြုံးကိုယ်စီနဲ့..အမုန်းတွေမရှိဘူး..လမ်းလျှောက်ရင်း အားလုံးကို လိုက်ကြည့်မိနေတယ်..ခံတွင်းချဉ်လာတာနဲ့ ဘောင်းဘီအိတ်ထဲ လက်နှိူက်စမ်းမိတော့ ဖက်ကြမ်းအတိုလေးထွက်လာတယ်.ပါးစပ်မှာ ခဲပြီး မီးခြစ်ခြစ်မယ် လုပ်တော့ မီးခြစ်မပါလာဘူး..ဖျောက်ခနဲ အသံကြားပြီး မျက်နှာရှေ့မှာ မီးပွင့်လေးထွက်လာတယ်.ကျနော်ဆေးလိပ်ကို မီးညိပြီး ကျေးဇူး ပြန်ပြောလိုက်တယ်.ssaယူနီဖောင်းနဲ့ ကောင်လေးတစ်ယောက် မီးခြစ်လာခြစ်ပေးတာကိူး..ပြီးတော့ သူက အနားနားကပ်ပြောသွားတယ်.".အောက်တော့ ငုံမကြည့်မိစေနဲ့.".တဲ့..ပြီးတော့ သူလှည့်ထွက်သွားတယ်..လူဆိုတာကလည်း မလုပ်နဲ့ပြောရင်တယ်လုပ်ချင်သကိုး..အောက်ကို ခိုးကြည့်လိုက်တယ်..ဟာ..မီးခိုးလုံးတွေ..ခြေပြတ်လက်ပြတ်အလောင်းတွေ.ရုပ်မပေါ်တော့တဲ့ အလောင်းတွေ.ကိုယ့်အသက်ရှင်ဖို့ ပုံးပြီး သူများကို ပစ်သတ်နေရတဲ့ ဘဝတွေ.အဖေ အမေ တနေတဲ့ သွေးရဲရဲ နဲ့ နှစ်ဘက်သော တိုက်ပွဲဝင်သူတွေ..ကလေးငိုသံတွေ..ကျနော် ချက်ချင်းမျက်စိမှိတ်လိုက်ရတယ်..ပြီးတော့ ခပ်လေးလေး ခြေထောက်တွေကို ဆွဲမပြီး ဆက်လမ်းလျှောက်ခဲ့တယ်..အော်.စစ် စစ်..။
ရှေ့မှာ လူနှစ်ယောက် ချက်စ်ထိုးရင်း ရီနေကြတယ်..တစ်ယောက်က မွန်..တစ်ယောက်က ရခိုင်..ကျနော်လည်း ချက်ချင်း စချင်စိတ်လေး ဝင်သွားတာနဲ့.အနားကပ်ပြီး သီချင်းဆိုလိုက်တယ်." မင်းလေးသော့ ရခိုင် ရခိုင်သားဝေ.ငါလည်းသော့ ရခိုင် .ဇာကွာခြားလီလေ.."လို့ ဆိုတော့ ချက်စ်ထိုးနေတဲ့ ရခိုင်စစ်သားက မော့ကြည့်တယ်.ပြုံးပြပြီး သက်ပြင်းအရှည်ကြီး ချတယ်.ပြီးတော့ ချက်စ် ပြန်ထိုးနေတယ်.ကျနော် လှည့်ထွက်လိုက်တယ်..သူ့ပါးစပ်က ကျနော်ဆိုတဲ့ သီချင်းကို ဆက်ဆိုသံကြားလိုက်ရတယ်." ဒေပိုင်
အဖြိုက်ဆိုး အသည်းကွဲဖူးစော် နားလည် "..တဲ့..ဟုတ်ပါတယ်.သူအသံမှာ ငိုသံပါနေတယ်ဆိုတာ ကျနော်သိတာပေါ့.။ဘာလို့များ ဒီအချိန်မှာ ဒီလိုအဖြစ်နဲ့တွေ့တာလဲ ကို သူအသည်းနာနေမှာပါ..။ဒီနေရာမှာ ယူနီဖောင်းမျိူးစုံနဲ့ တိုင်ရင်းသား အစုံရှိတယ်(ရိုဟင်ဂျာတော့ မပါဘူး).ဘယ်သူကိုမှ မမုန်းကြဘူး.အားလုံး အပြုံးကိုယ်စီနဲ့.ပုခုံးဖက် လမ်းလျှောက်နေကြလေရဲ့..ဝါဒတွေ အမုန်းတွေ သမိုင်းတွေ အငြိုးတွေ တင်းမာမှူတွေ
ဘာဆိုဘာမှ မရှိဘူး..အားလုံး ညီအကိုရင်းတွေလို နေနေကြတယ်..ယူနီဖောင်းမျိူးစုံရှိတယ်.စိတ်ကတော့ တစိတ်ထဲပဲ.ဒီအုပ်စုလေးထဲ လမ်းလျှောက်နေဆဲမှပဲ ကျနော်တကိုယ်လုံး ပေါ့ပါးနေတယ်.ပျော်နေတယ်.ဘာကြောင့်ပျော်တာလဲဆိုတာတော့ မပြောတတ်ဘူး.တစ်ယောက်ယောက်မျက်နှာပေါ်က နှူတ်ခမ်းအပြုံးတစ်ချက်ကို မြင်တိုင်း ကျနော်ပါလိုက်ပြုံးမိ.ဖက်လှဲတကင်းနှူတ်ဆက်မိတာ ဒီနေရာရဲ့ ထူးခြားချက်လား..ယမ်းနဲ့ မရှိတဲ့နေမြေ.မိုင်းမခင်းတဲ့နေမြေ.အမုန်းနဲ့ဝါဒစွဲ မရှိတဲ့နယ်မြေ..ဒီမှာ ကျနော် ငှက်တစ်ကောင်လို ပေါ့ပါးနေတယ်..။
ညီအကိုတွေ သီတင်းကျွတ်မှာ ပြန်ဆုံသလို အားလုံးတွေ့တဲ့လူကို နှူတ်ဆက်ကြ ဖက်ကြ..လက်ဆွဲနှူတ်ဆက်ပြီး စကားစမြည်ပြောဆိုကြ.ဘယ်လောက် ပျော်ဖို့ကောင်းလဲဗျ..။
ဒီအချိန်မှာ..မနက်တိုက်ပွဲမှာ ကျနော်ကလည်း ပစ်..ကျနော်ကိုလည်း ပစ်ထားတဲ့ ကေအိုင်အေက ကောင်လေးနှစ်ယောက်က ပြေးလာပြီး လက်တဖက် တစ်ချက်စီ ဆွဲပြီး သွားမယ်..သီချင်းသွားဆိုကြမယ်
ဆိုပြီး ဆွဲခေါ်သွားပါရောဗျာ..ရှေ့မှာ လူအုပ်ကြီးတစ်အုပ်..ဂီတာတီးနေတဲံလူစ်တစ်ယောက်ကို ဝိုင်းပြီး သီချင်းတွေ ဆိုနေကြတယ်.
လူအုပ်ကြီးထဲ အတင်းတို့းဝှေ့ပြီး ကြည့်မိတော့..အိုး..ဂီတာတီးနေတာ ကိုစိုင်းထီးဆိုင် ကြီးပဲ..ကျနော်သဘောပေါက်လိုက်ပါတယ်
အားလုံးနဲ့အတူတူ လက်ခုပ်တီးပြီး သီချင်းလိုက်ဆိုလိုက်ပါတယ်..သီချင်းခေါင်းစဉ်က >
ဖေ့စ်ဘုတ်မှကူးယူဖော်ပြပါသည်... 

Saturday, 21 April 2012

လက်ညှိုးတစ်ချောင်းကွေးတက်ဖို့

     


       ကျွန်တော်ငယ်ငယ်က မြန်မာသရုပ်ဆောင်တွေထဲမှာဆိုရင် ဦးကျော်ဟိန်းကိုခရေဇီ ။  ခေါင်းမမော့ပဲ မျက်လုံး ကို လှန်ကြည့်ပြီး အကြည့်စူးစူး နဲ့ စကားပြောတာတွေ ၊ စကားပြောတဲ့ အခါ အသံရင်းနဲ့ အားရပါးရ ပြောတက်တာတွေ ကြောင့် ကျွန်တော် စိတ်ထဲ အလွတ်ကျတ်မိနေတယ် ။ သူ့ဇာတ်ရုပ်တွေထဲ က မျက်စိထဲ စွဲ နေဆုံး နေရာတစ်ခုကတော့ လက်ဆယ်ချောင်းကိုထောင်ပြီး “ဒီလို … လက်ညှိုးလေးကွေးတက်ဖို့ ဆယ်နှစ် …ဆယ်နှစ်ဆိုတဲ့ ” နေရာပဲ ။ ငယ်ငယ်ကတော့ တွေးတယ် ဆယ်နှစ်ဆိုတာ မဖြစ်နိုင်ပါဘူး … သေနတ်လေးပစ်ဖို့ လက်ညှိုးလေး တစ်ချောင်းကွေးတာများ ဆယ်နှစ်ကြာတယ်တဲ့ … အဲလောက်ခက်လို့လား  ။

            ဝေဝေဝါးဝါး အတွေးများနဲ့ ပဲ ကျွန်တော်ကြီးပြင်းလာတယ် ။ အသက် ၁၆ နှစ်ကျော်တော့ စစ်တပ်ထဲဝင် စစ်ရေးပြလုပ်တဲ့ သေနတ်အစုတ်လေးကို ကျွန်တော် အရမ်းစူးစမ်းချင်မိတယ် ။ ကျွန်တော်သေနတ် ကိုဆော့တော့ လက်နက်သင်ပေးတဲ့ ဆရာကြီးက ငေါက်တယ် ။  “ သေနတ်ဆိုတာ သေတက်တဲ့ နတ်စောင့်တယ် ။ ကိုယ်တွယ်တဲ့ရည်ရွယ်ချက် ၊ အသုံးချတဲ့နည်းစနစ်မှန်ကန်ရင် ကိုယ့်အကျိုး ၊တိုင်းပြည်အကျိုးရှိသလို ၊ မှားယွင်းရင်လည်း အဲဒီ သေနတ်ဟာ မိမိကိုယ်သေစေသလို ၊ တိုင်းပြည်နဲ့လူမျိုးကိုအကျိုးယုတ်စေ တက်တဲ့ရန်သူပဲ ။ ကျည်မထွက်တဲ့ အစုတ်ပဲဖြစ်စေ ၊ အကောင်းပဲဖြစ်စေ မှားယွင်းတဲ့အမူအကျင့်ကို အစကိုမပြုရဘူး   ”  ဆိုပြီး ဆုံးမယ်တယ်  ။ ကျွန်တော်စိတ်ထဲမှာ ကျိတ်တွေးလိုက်မိတယ် “သေနတ်တွေကိုင်တက်ဖို့ အဲလောက်တောင်ခက်တယ် လား” ။
           အဲဒီနောက် သေတက်နဲ့ နတ်မျိုး တွေနဲ့ ကျွန်တော်အကျွမ်းဝင်ရင်းနှီးခဲ့တယ် ။ စနိုက်ပါ သင်ခန်းစာမှာ လက်ဖြောင့်တစ်ယောက်ရဲ့ ကျင့်စဉ် တွေနဲ့ကျွန်တော်ထိတွေ့ခွင့်ရခဲ့တယ်။ထိအောင်ချိန်၊မှန်အောင်ပစ်၊ပစ်လျှင်ထိရမည်၊ထိအောင်လည်းလေ့ကျင့်ရမည်..
ဆိုတဲ့ ဆောင်ပုဒ်လေးအတိုင်း သေနတ်ဒင်ကို ပခုံးအပျော့မှာထောက် ၊ ပစ်မှတ်ကို ချိန်သီးနဲ့ထိအောင်ချိန် ၊ အသက်ရှုခြင်းနရီသံ မှန်မှန် လက်ညှိုးကိုကွေး ရိုးရိုးလေးလိုပါပဲ ။ လက်ဖြောင့်သမားတစ်ယောက်ဟာ စိတ်ငြိမ်ဖို့ ၊ မျက်စိရှင်ဖို့ ၊ လက်ညှိုးကွေးနရီသံ မှန်ဖို့ ဟာအရေးကြီးဆုံးပါပဲ ။ အဲဒီထဲမှာ အခက်ခဲဆုံးအဆင့်ကတော့ လက်ညှိုးကွေးခြင်းပါပဲ ။ လက်ညှိုးကွေးတက်ဖို့ ကို လမ်းလျှောက်ရာ ၊ ထမင်းစားရာ အိပ်နေချိန်မှ အပ အမြဲ တမ်းလက်ညှိုးကွေးကွေးပြီး ကျင့်ကြရတယ် ။

          လက်ညှိုးကွေးခြင်းဆိုလို့ ပြောရဦးမယ် စစ်သားရဲ့အသက်က လက်ညှိုး လို့ ကျွန်တော်ပြောရင် ယုံပါ့မလား ။ လက်ညှိုးပြတ် တဲ့ လူတစ်ယောက်ဟာစစ်သားလုပ်လို့ မရတော့ပါဘူး ၊ သေနတ်ပစ်လို့ လည်းမရတော့ပါဘူး ။ ကျန်တဲ့ လက်ချောင်းတွေ ဘယ်လောက်ပဲကောင်းနေသေးပါစေ အဲဒီလက်ချောင်းတွေ နဲ့ သေနတ်မောင်းကို ဆွဲတာနဲ့ လက်ညှိုးနဲ့သေနတ်မောင်းကိုဆွဲတာ လုံးဝမတူပါ ။ လူတိုင်းရဲ့ လက်ညှိုး ဟာ သာမန်လက်ချောင်းတွေထဲဇောင်းပိုမာတယ် ။ လျှက်တစ်ပြတ် လက်ချောင်းတွေ ကွေးကြည့် ပါ လက်ညှိုးတစ်ခုတည်းသာလျှင် စိတ် နဲ့ ထပ်တူကွေးနိုင်တယ် ။ လက်ညှိုးသာလျှင် ကြားထဲမှာနေရာလစ်လပ်မရှိအောင် ၃ ဆစ်လုံးထိနေအောင်ကွေးလို့ရတယ် ။ အဲဒီအရာတွေဟာ လက်ညှိုးကွေးတက်ဖို့ အရေးအပါဆုံးအချက်တွေပါပဲ ။

         နောက် လက်ညှိုးကွေးနရီသံမှန်ဖို့ ။ ညှပ်ရိုးအောက်အပျော့ကိုထောက်ထားတဲ့ သေနတ် ဟာ အသက်ရှုတာနဲ့ အမျှ သေနတ်ပြောင်း က အထက်အောက်လှုပ်နေတယ် ။ ရင်ဘက်ထဲ အသက်အပြည့်ရှုသွင်းချိန် လက်ညှိုးကွေးရင် ပစ်မှတ်ရဲ့အပေါ်ကိုထောင်မယ် ။ ရင်ဘက်ထဲလေတစ်စက်မှမရှိအောင် ထုတ်ပြီးတဲ့ချိန် ပစ်ရင် ပစ်မှတ်အောက်ကို ကျမယ် ။ အထက်အောက်မလှုပ်အောင်ဆိုပြီး အသက်အောင့်ပြီးပစ်ရင် အောက်ဆီဂျင် မပြည့်ဝတဲ့အတွက် လက်တုန်ပြီး သေနတ်ပြောင်းဟာဘေးဘယ်ညာယမ်းခါနေမယ် ။ အဲဒီတော့ ပုံမှန်အသက်လေးရှုပြီး အသက်ရှုခြင်းရဲ့ အလယ်မှာ လက်ညှိုးကွေးနရီသံမှန်နေဖို့လိုတယ် ။  ယနေ့ချိန်ထိ ပစ်ချက်တိုင်းထိပါတယ်ဆိုတဲ့ သေနတ်သမား တစ်ယောက်မှ မရှိသေးပါဘူး ။ ဘာလို့ လဲ အချိန်တိုင်းမှန်ကန်အောင် လက်ညှိုးမကွေးတက် လို့ပါပဲ ။

           ပညာရပ်တစ်ခုဆိုတာ လုံးစေ့ပတ်စေ့ သိဖို့ထက် တကယ်လုပ်ပြနိုင် ဖို့ ကပိုခက်တယ် ။ တကယ်လုပ်နိုင်ဖို့ ထက် ရလဒ်ကောင်းတွေထွက်ဖို့ ကပိုခက်တယ် ။ လိုချင်တဲ့ရလဒ်ထွက်ဖို့ ထက် အဲဒီရလာဒ်က အကျိုးရှိဖို့ က ပိုခက်တယ် ။ အကျိုးတစ်ခုရလာဖို့ထက် အဲဒီပညာရဲ့ အကျိုးကျေးဇူး ဟာအများအတွက်အသုံးဝင်ဖို့ကပိုခက်တယ် ။
လက်ညှိုးကွေးခြင်း ပညာရပ်တက်သွား ပြီပဲဆိုကြပါဆို့  ကာလံ ၊ ဒေသံ ၊ ရည်ရွယ်ချက် ၊ ကျင့်ထုံးတွေ မှန်မှန် နဲ့ လက်ညှိုးကွေးတက်ဖို့လည်းလိုသေးတယ် ။   စစ်ဆိုတာ တိုင်းပြည်တစ်ပြည်ရဲ့မူဝါဒကို တနည်းတဖုံ ပုံဖော်ခြင်းလို့ စစ်ပညာရှင် ကလော့ဝဇ် ကဆိုခဲ့တယ်  ။  စစ်သည်တော် ကျင့်ဝတ် ရန်သူပေါ်ထားရှိရမဲ့ သဘောထားမှာလည်း “လွတ်လပ်ရေးနှင့်အချုပ်အခြာအာဏာတည်တံ့ခိုင်မြဲရေးအတွက် ရန်သူကို မတိုက်လျှင် မဖြစ်သာ တိုက်နေရ ကြောင်း နားလည်ပါစေ ။ ”  လို့ ပြဆိုထားတယ် ။  တိုင်းပြည်နဲ့ လူမျိုးကောင်းကျိုးအတွက်ဆိုပါလျှင် အသက်တွေလောင်းကြေးထပ်လို့လည်း လက်ညှိုးကွေးတက်ရမယ် ၊ အဲလို မှမဟုတ် ပဲ ကိုယ်ကျိုး ၊ ပုဂ္ဂလ အကျိုးတွေအတွက်ဆိုရင်တော့ ကျွန်တော်တို့ လက်ညှိုးတွေ မကွေးတက်အောင် ဖြတ်သင့်ရင်ဖြတ်ပစ်ရမယ် ။  ဒါတွေ ဟာ လက်ညှိုးကွေး ခြင်းရဲ့ သိမ်မွေ့တဲ့ အနုပညာတွေပဲ ။

          ကိုကျော်ဟိန်းရဲ့ “ဆယ်နှစ် ဆယ်နှစ် ” တကယ်ကို မဖြစ်နိုင်မှန်း ကျွန်တော် သေချာ သိသွားခဲ့ပြီ ။ ခုနေ ကိုကျော်ဟိန်းရှေ့မှာ သရုပ်ဆောင်ခွင့် ရရင် သရုပ်ဆောင်ပြချင်တယ် ။ လက်ဆယ်ချောင်း တော့ မထောင်တော့ပါဘူး ။ လက်ညှိုးတစ်ချောင်း ကို ထောင် ပြီး အသံဝါဝါ နဲ့ အားပါပါ ပြောလိုက်ချင်တယ်
“ ဒီလို လက်ညှိုးလေးကွေးတက်ဖို့  ....  တစ်သက်…တစ်သက်  ”…။


(ရုပ်ဆိုး)

ဖေ့စ်ဘုတ်မှကူးယူဖော်ပြပါသည်။ 

စစ်သားဟုခေါ်သည်





ကျွန်တော်
လွတ်လပ်မှုကိုတပ်မက်စွာ မြတ်နိုးသည်
သို့သော် ... ဝါသနာ ခံယူချက်အတွက်
ပုံစံခွက် နှင့် ကျင်လည်သည် ...။

ကျွန်တော်
အမိန့်ဆိုသောအရာကိုခါးသီးစွာမုန်းပါသည်
သို့သော် ...သစ္စာလေးတန် အဓိဌာန်ကြောင့်
ရွှေ့တဲ့အကွက်တိုင်းမှာ တာဝန်ကျေမည် ...။

ကျွန်တော်
နှလုံးသားစေစားရာ ဦးနှောက်နှင့် ရှာလိုသည်
သို့သော် .... ပုခုံးမှာဖက်ဖူးတဲ့ လက်တွေအတွက်
ကျွန်တော့် ဘဝကို ပုံအပ်ထားသည် ...။

ကျွန်တော်
လက်နက်တွေမုန်းပါသည်
သို့သော် ...တိုင်းပြည်ကန်သင်းခလုတ်ရှင်းဖို့
ကိုယ် နှင့်မကွာ ဖက်အိပ်နေပါသည် ....။

ကျွန်တော်
သေရမှာကြောက်ပါသည်
သို့သော် ... တိုင်းပြည်အတွက် ဆိုပါက
နောက်ထပ်အခါခါ ပြန်လည်မွေးဖွားနေဦးမည်ဖြစ်သည်...။

ကျွန်တော်
သူတပါးအားသတ်ဖြတ်ရမှာစိုးရွံ့ပါသည်
သို့သော် ...နိုင်ငံနှင့် လူမျိုးးအတွက်ဆိုပါက
ပါဏာတိပါတ် ကို တရစပ်လိုင်စင်ဆွဲလိုသည်...။

ဤတိဤသို့
စိတ်ထားရှိခြင်း ၊ ခံယူခြင်းကြောင့်
ကျွန်တော့်ကိုကျွန်တော်စစ်သားဟုခေါ်သည် ....။

(ရုပ်ဆိုး)
https://www.facebook.com မှကူးယူဖော်ပြပါသည်။