ရွှေလီသား(မဘိမ်း)

Loading...

Saturday, 4 February 2012

ကျွန်တော်မမေ့နိုင်တဲ့ ဩ၀ါဒ (ပေဖူးလွာစာအုပ်မှ)Page 6 of 6

လိုအပ်လာလျှင် ဒီနေရာမှ ဟိုနေရာ တာတိုခရီးကို လူအားနဲ့ အမြောက်ကို ဆွဲသွား နိုင်အောင်လည်း လေ့ကျင့်ကြတယ်။ ဒီလို ဆွဲနိုင်ဖို့ အထူး ပြုလုပ်ထားတဲ့ အမြောက်ဆွဲကြိုး (Drag Ropes) ၂ ချောင်း အမြောက်တိုင်းမှာ ပါတယ်။ ဒီလို လေ့ကျင့် ခဲ့ကြတော့ ပွဲဦးထွက် စစ်ဆင်ရေးမှာ မမျှော်လင့်ဘဲ အမြောက်များကို ဖြုတ်ပြီး သယ်ယူရတဲ့ အခြေအနေနဲ့ ကြုံခဲ့ရ ပေမယ့် အခက်အခဲ မတွေ့ခဲ့ဘူး။ တပ်ရင်းမှူး ကြီးရဲ့အမြော်အမြင်ကြီးမှုနှင့် ပြည့်စုံတဲ့ လေ့ ကျင့်မှုရဲ့ ရလဒ်ပေါ့ ခင်ဗျာ။ အမြောက်တပ်ရဲ့ ၂၅ ပေါင်ဒါအမြောက်၊ ၂၅ ပေါင်ဒါ အမြောက် တပ်ထားတဲ့ တပ်မတော် ရဲ့ “အင်း” အမျိုးစား (?) တိုက်ရေယာဉ်တွေ ပါ အစုံအညီ ရောက်ပြီမို့ စစ်ဆင်ရေး ပြန်စတာပေါ့။ လက်နက်ကြီး ပစ်ကူတွေနဲ့ တိုက်လေတော့ ရန်သူ ဘယ်ခံနိုင်ပါ့မလဲ။ တစ်ဖက် နိုင်ငံကို ဆုတ်ပြေးကြပါတယ်။ ဒေသခံ တပ်များသာ နယ်မြေ တည်ဆောက်ရေး လုပ်ငန်း ဆက်လက် လုပ်ဆောင်ကြပြီး ကျွန်တော်တို့လို အခြား ဒေသမှ လာကြတဲ့ တပ်တွေကို ပြန်ရုပ်ခဲ့ပါတယ်။ စစ်မြေ အတွေ့အကြုံ လုံးဝ မရှိသေးတဲ့ အသစ်စက်စက် အမြောက် တပ်စုလေး ဖြစ်ပေမယ့် တပ်ရင်းမှူးကြီးရဲ့ သြ၀ါဒ လမ်းညွှန်ချက်များ အတိုင်း လေ့ကျင့် ပြင်ဆင်ခဲ့တာမို့ ပွဲဦးထွက် စစ်ဆင်ရေးမှာ တွေ့ကြုံရတဲ့ ပြဿနာ အခက်အခဲ တွေကို ဖြေရှင်းပြီး တာဝန်ကို အောင်မြင်စွာ ထမ်းဆောင် နိုင်ခဲ့ကြပါတယ်။ ရန်ကုန်အပြန် ခရီးမှာလည်း အသွားတုန်းက အတိုင်းပဲ အမြောက်ကို အပိုင်းပိုင်းဖြုတ်ပြီး သယ်ခဲ့ကြတာပေါ့။ ရန်ကုန် ရောက်တာနဲ့ တစ်စုကို ပြန်လည်စုဖွဲ့ပြီး တောင်ငူကို စစ်ဆင်ရေး ထွက်ရ ပါတယ်။ တပ်စု (၆) ရဲ့ ဒုတိယ စစ်ဆင်ရေး တောင်ငူ အခြေစိုက် တပ်မဟာ (၂) ရဲ့ နယ်မြေဖြစ်တဲ့ တောင်ငူ အရှေ့ခြမ်းရှိ သံတောင်- ဘောဂလိကြီးဒေသကို KNDO လက်ထဲမှ ပြန်လည် သိမ်းပိုက်တဲ့ စစ်ဆင်ရေးမှာ တပ်စု (၆) ပါဝင်ခဲ့ပါတယ်။ ၁၉၅၃ ခုနှစ် ဇန်န၀ါရီလ အတွင်း ပေါ့။ တပ်ခွဲ(၁)မှ တပ်စု (၂) လည်းပါတယ်။ တပ်မဟာမှူးက ဗိုလ်မှူးကြီးစိန်ဝင်း (ဗိုလ်ချုပ် ၀န်ကြီးချုပ် ကွယ်လွန်)ပေါ့။ ဒီစစ်ဆင်ရေးကိုလည်း တောင်ပိုင်းတိုင်း စစ်ဌာနချုပ် တိုင်းမှူး ကိုယ်တိုင် ဦးစီး ကွပ်ကဲခဲ့ပါတယ်။ ကျွန်တော်တို့ရဲ့ တပ်ရင်းမှူး ကိုယ်တိုင် တိုင်းမှူးနဲ့ ပါလာတယ်။ မောင်တော စစ်ဆင်ရေးတုန်းက ဒုတပ်ရင်းမှူးက တိုင်းမှူးနဲ့ အတူ လိုက်ခဲ့တယ်။ အဲဒီအချိန်က တောင်ငူ-သံတောင်သွား ကားလမ်းအတိုင်း သွားလျှင် တောင်ငူက ထွက်ပြီး လေးမိုင်ကျော်လောက်မှာKNDO ရဲ့ ရှေ့ခံ စစ်စခန်း ရှိပါတယ်။ ရန်သူဟာ တောင်ငူနားကို အဲဒီလောက် နီးနီး အထိလာပြီး တပ်မတော်ကို ရင်ဆိုင်ထားတယ်။ အဲဒီ ကာလတုန်းက ရှိခဲ့တဲ့ ပြည်တွင်း သောင်းကျန်မှု အခြေအနေကို ပြတာပေါ့ ခင်ဗျာ။ ဒီစစ်ဆင်ရေးနဲ့ သံတောင်-ဘောဂလိ ကြီးဒေသကို ပြန်သိမ်းခဲ့ပါတယ်။ ဒီ စစ်ဆင်ရေးမှာ တပ်စု(၆)ဟာ ဘောဂ လိကြီးရွာအထိ ရောက်ခဲ့ပေမယ့် အမြောက်တွေ ကို ပုံမှန်အတိုင်း မော်တော်ကားနဲ့ ဆွဲသွားတာမို့ ထူးထူးခြားခြား လုပ်ရတာ မရှိပါဘူး။ တပ်စု (၆) ဟာ ပထမဦးဆုံး အတွေ့ အကြုံအဖြစ် စစ်ဆင်ရေးကြီး နှစ်ခုမှာ ဆက်တိုက် ပါဝင်ခဲ့ပါတယ်။ ယခု စစ်ဆင်ရေး ပြီးဆုံးပြီးနောက် တပ်ရင်း ဌာနချုပ်ကို အရန်တပ်စု အဖြစ် ပြန်ရောက်လာတော့ တပ်ရင်းမှူးကြီးက “မင်းတို့ တပ်စု (၆) ခြေစစ်ပွဲ အောင် သွားပြီ”တဲ့။ ဗထူး တိုက်ခိုက်ရေး ကျောင်းမှာ အမြောက် သင်တန်း ဌာနဖွင့်တော့ အမြောက်သင်တန်း နည်းပြအဖြစ် ကျွန်တော် ပြောင်းရပါတယ်။ တပ်စုမှူးသစ်ကို ကျွန်တော် လွှဲပြောင်းပေးခဲ့တဲ့ တပ်စု (၆)ဟာ တပ်ရင်းမှူးကြီးရဲ့ သြ၀ါဒအတိုင်း အဆင့်မြင့် လေ့ကျင့်ထားတဲ့ အရည်အသွေး ကောင်းတဲ့ တပ်စုဖြစ်နေပါပြီ။ တပ်စုမှူး၊ တပ်ခွဲမှူး၊တပ်ရင်းမှူး၊ ဗျူဟာမှူး တာဝန်တွေကို တဆင့်ပြီး တဆင့်တိုး ထမ်းဆောင်ခဲ့ပါတယ်။ ဒု ဗိုလ်အဆင့်မှ ဗိုလ်မှူးကြီး အဆင့်ထိ ရောက်လာခဲ့တယ်။ ဒီကာလ အတွင်းမှာ မိမိကွပ်ကဲရတဲ့ တပ်တွေကို တပ်ရင်းမှူး ဗိုလ်မှူးကြီး ဘရွှေရဲ့ သြ၀ါဒ အတိုင်း တပ်ရဲ့စစ်ရေး၊ အုပ်ချုပ်ရေး စွမ်းရည်တွေ၊ စည်းကမ်းတွေ၊ အဘက်ဘက်မှာ မြင့်မားလာအောင်၊ အောင်မြင်မှု တွေရရှိအောင် ကြိုးစား လုပ်ဆောင်ခဲ့တယ်။ အဲဒီ တပ်တွေမှ ပြောင်းရွှေ့ ရချိန်မှာ မိမိလက်ခံ စဉ်က ရှိခဲ့တဲ့ အရည်အသွေးထက် ပိုအဆင့်မြင် နေတဲ့တပ်ကို တပ်မှူးသစ်အား လွှဲပေးနိုင်ခဲ့တယ်။ တပ်ရင်းမှူးကြီးရဲ့ သြ၀ါဒ အတိုင်းပေါ့ ခင်ဗျာ။ လုပ်ရမယ့် အလုပ်တိုင်းကို ကြီးကြီး၊ သေးသေး မိမိ ဥာဏ်စွမ်း ရှိသလောက်၊ ကိုယ်စွမ်းရှိ သလောက် အကောင်းဆုံးဖြစ်အောင် လုပ်ကြဆိုတဲ့ အင်္ဂလိပ် ပုဂ္ဂိုလ်ကြီး တစ်ဦးရဲ့ သြ၀ါဒကိုလည်း ကျွန်တော်မဖြတ် လိုက်နာခဲ့ပါတယ်။ ဒီ သြ၀ါဒ နှစ်ခုဟာဖြင့် ကျွန်တော့်ရဲ့စစ်သား ဘ၀ခရီးမှာ လမ်းညွှန်ခဲ့တဲ့ လမ်းပြခဲ့တဲ့ မီးရှူး တန်ဆောင်များ ဖြစ်ခဲ့ပါတယ်။ အသက် ၄၃ နှစ်ရောက်တော့ နယ်ဘက် ကို လွှဲပြောင်း တာဝန် ထမ်းဆောင်ရပြန်ရော။ ထိုစဉ်အခေါ် ပြည်သူ့ ရဲတပ်ဖွဲ့မှာ ရဲချုပ်၊ မြန်မာ့ ကြယ်ငါးပွင့် သင်္ဘော လုပ်ငန်းမှာ ဦးဆောင်ညွှန် ကြားရေးမှူး၊ သက်ပြည့် အငြိမ်းစား ယူချိန်အထိ နယ်ဘက် တာဝန်တွေ ထမ်းဆောင်ခဲ့ပါတယ်။ နယ်ဘက် တာဝန် ထမ်းဆောင်ချိန်မှာလည်း ဒီသြ၀ါ နှစ်ခုကို ကျွန်တော် လိုက်နာခဲ့ပါတယ်။ ကျွန်တော် အတွက် ဒီသြ၀ါဒ နှစ်ခုဟာ စစ်ဘက်မှာ သာမက နယ်ဘက်မှာလည်း အသုံးဝင်တာ လက်တွေ့ပါပဲ။ စစ်ဘက်၊ နယ်ဘက်၊ အမှုထမ်းသက် တစ်လျှောက်လုံးမှာ မီးရှူး တန်ဆောင်သဖွယ် ကျွန်တော့်ကို လမ်းညွှန်ထိန်းကျောင်း ပေးခဲ့တဲ့ ဒီ သြ၀ါဒ နှစ်ခုဟာဖြင့် ကျွန်တော် မမေ့နိုင်တဲ့ သြ၀ါဒ တွေပဲပေါ့။
မောရနွယ်မောက် (ပေဖူးလွှာ မဂ္ဂဇင်း၊ စက်တင်ဘာလ ၂၀၁၀)

No comments:

Post a Comment