စစ်ပွဲ ဆိုတာကလည်း အထက်ပါ ရန်ပွဲ၊ ရိုက်ပွဲတွေနှင့် အခြေခံအားဖြင့်
သဘောအားဖြင့် တူတူပါပဲ။ ပါဝင်တဲ့ လူအင်အား၊ အဖွဲ့အစည်း အရွယ် အစား၊
အသုံးပြုကြတဲ့၊ ကိုင်တွယ်ကြတဲ့ လက်နက်များသာ ကွာခြားကြတယ်။ စစ်ပွဲဆိုတာ က
လူအုပ်စု တစ်စုနှင့် တစ်စု ရန်ဖြစ်ကြ၊ ရိုက်နှက် သတ်ပုတ်ကြတဲ့
အဆင့်ကို ကျော်လွန်ပြီး နိုင်ငံ အဆင့်မှာ နိုင်ငံချင်း ရန်ဖြစ်ကြပီး
တိုက်ကြ၊ ခိုက်ကြခြင်းမျှသာ ဖြစ်ပေတယ်။ စစ်ပွဲမှာ စစ်တပ်ခြင်း တိုက်ကြတဲ့
တိုက်ပွဲများ အပြင် ပြည်သူတွေ နေထိုင်တဲ့ မြို့ပြ၊ ကျေးရွာများရှိ စစ်ကို
အထောက်အကူ ပြုတယ်လို့ ယူဆတဲ့ နေရာများကိုလည်း လေကြောင်း တိုက်ခိုက်မှု
အပါအ၀င် နည်းမျိုးစုံနှင့် တိုက်ခိုက်ကြလို့ သာလျှင် လူအုပ်စုချင်း၊
ရပ်ရွာချင်း ရန်ပွဲ၊ ရိုက်ပွဲ တွေထက် နိုင်ငံချင်း ဖြစ်တဲ့ စစ်ပွဲရဲ့ သေကြေ
ဒဏ်ရာရမှုနှင့် ပစ္စည်းဥစ္စာ ပျက်စီး ဆုံးရှုံးမှုများက အဆပေါင်း
ထောင်ပေါင်းများစွာ ပိုမို များပြားခြင်း ဖြစ်ပေတယ်။ အခြေခံ သဘောကတော့
တူတူပါပဲ။ မကွဲပြားပါဘူး။ ဆရာဝင်းမြင့်ရဲ့ မေးခွန်းက“စစ်ဟာ ပွဲဟုတ် မဟုတ်”
ဒီမေးခွန်းကို ဖြေဆိုဖို့အထက်မှာ ဆွေးနွေး တင်ပြခဲ့တာတွေကို အခြေခံပြီး
မေးခွန်းလေး တစ်ခု ထပ်မေးဖို့ လိုလာပါတယ်။ “ရန်” ဟာ ပွဲဟုတ်ပါလား။ “ရိုက်”
ဟာ ပွဲ ဟုတ်ပါလား။ “သေ” ဟာရော ပွဲဟုတ်ပါလား။ စာရှုသူများ ဘယ်လို ယူဆပါလဲ။
မြင်ပါသလဲ။ ဘယ်လိုဖြေပါမလဲ။ မေးခွန်းရှင် ဆရာဝင်းမြင့် ကကော ဘယ်လို
ဖြေပါမလဲ။ “ရန်” ဟာ ပွဲဟုတ်တယ်ဆိုလျှင် “ရိုက်” ဟာ ပွဲဟုတ်တယ်ဆိုလျှင်၊
“သေ” ဟာ ပွဲဟုတ် တယ်ဆိုလျှင် “စစ်” ဟာလည်း ပွဲဟုတ်ရတော့ မှာပေါ့။ “ရန်”၊
“ရိုက်”၊ “သေ” တွေဟာ ပွဲမဟုတ်ဘူးလို့ ဖြေကြလျှင် “စစ်”ဟာလည်း ပွဲမဟုတ်
ဘူးပေါ့။ ဆရာဝင်းမြင့်ရဲ့ မေးခွန်းအတွက် အဖြေကို အဲဒီလို ဆက်စပ်
စဉ်းစားမိပါတယ်။ ဒီဆောင်းပါး စာမူကြမ်းကို အချောသပ် ပြင်ဆင် ရေးသားနေစဉ်မှာ
ပြောမနာ ဆိုမနာဖြစ်တဲ့ ကျောင်းနေဘက် ငယ်သူငယ်ချင်းများ တစ်ယောက် အလည်
ရောက်လာပါတယ်။ သူက အောင်မြင်နေတဲ့ စီးပွားရေး သမား၊ ကျောင်းပြီး ကတည်းက
စီးပွားရေး လုပ်နေသူပါ။ ကျွန်တော့်ဆီ လာလည်နေကြမို့ အိမ်သားများက သူ့ကို
ကျွန်တော်ရှိရာ ကျွန်တော့်ရဲ့ စာကြည့်ခန်းကိုပဲ ခေါ်လာခဲ့ပါတယ်။
စာကြည့်ခန်းက ကျွန်တော့်ရဲ့ ၀ပ်ကျင်းပါ။ အငြိမ်းစား ၀န်ထမ်းတစ်ဦး အနေနှင့်
နေအိမ်မှာပဲ အချိန်ကုန်တာများလေတော့ အနှောင့်အယှက် ကင်းတဲ့၊ အေးငြိမ်းတဲ့
နေရာလေးဖြစ်အောင် သက်သောင့်သက်သာ နားနေနိုင်အောင် အိမ်သူ သက်ထား ချစ်မယားက
ကျွန်တော့်ရဲ့ စာကြည့် ခန်းလေးကို ဆင်ပြင် ဖန်တီး ပေးထားပါတယ်။ ကျွန်တော်က
စာကြည့်ခန်းမှာပဲ နေလေ့ရှိပြီး ဧည့်သည် လာမှသာ ဧည့်ခန်းကို ထွက်လာပါတယ်။
ငယ်သူငယ်ချင်းတွေ လာကြလျှင် စာကြည့်ခန်း မှာပဲ စကားလက်ဆုံ ကျလေ့ ရှိပါတယ်။
သူငယ်ချင်းနှင့် ထွေရာလေးပါး စကား လက်ဆုံပြောကြရင်း ကျွန်တော် ရေးနေတဲ့
“စစ်ဟာပွဲ ဟုတ်မဟုတ်” ဆောင်းပါးအကြောင်း ရောက်သွားတော့ သူက ဆောင်းပါး
စာမူကြမ်းတောင်း ဖတ်ပါတယ်။ သူ့ရဲ့ အမြင်ကိုလည်း သိချင်တာနဲ့
ပေးဖတ်လိုက်ပါတယ်။ သူငယ်ချင်းက ဆောင်းပါး စာမူကြမ်းကို ဖတ်ရင်း
ပြုံးပြုံးလာပါတယ်။ ဖတ်လို့ ပြီးဆုံးသွားတော့ ကျွန်တော့်ကို
ခေါင်းမော်ကြည့်ပြီး ဆောင်းပါးအမည် “စစ်ဟာပွဲ ဟုတ်မဟုတ်”ကို အသံနေအသံထား
နှင့် ဖတ်လိုက်ပါတယ်။ နောက်တစ်ကြိမ် အလားတူ ထပ်ဖတ်လိုက်ပြီး နောက်
ရယ်ရယ်မောမောနှင့် ကျွန်တော့်ကိုသူ ပြောလိုက်တာက “သူငယ်ချင်းတို့က
ကြောင်ရေချိုးနေ ကြတာပဲ” တဲ့။
မောရနွယ်မောက် (ပေဖူးလွှာ မဂ္ဂဇင်း၊ ဒီဇင်ဘာ ၂၀၁၀)
မောရနွယ်မောက် (ပေဖူးလွှာ မဂ္ဂဇင်း၊ ဒီဇင်ဘာ ၂၀၁၀)
No comments:
Post a Comment