ရွှေလီသား(မဘိမ်း)

Loading...

Monday, 6 February 2012

လိုအပ်သည့်နေရာတိုင်းမှာအသင့်ရှိနေမည့်သူများ


    
ဆောင်းတွင်းရဲ့တစ်ညတာကိုဖြတ်သန်းရတာ…ခက်ခဲလွန်းပေစွ။နှစ်နှစ်ခြိုက်ခြိုက်အိပ်ပျော်ဖို့အတော်ကြိုး..စားယူရပေသည်။အိပ်မပျော်သောညများမှာတောင်စဉ်ရေမရစဉ်းစားပြီးသကာလ ကျွန်ုပ် ဘောပင်တစ်ချောင်းကိုင်ပြီး ရ်ျစာရွက်လွတ် တစ်ခုပေါ်သို့   စတင်ခြေချမိပါတော့သည်။ဒီနေ့တော့ဘာအကြောင်းများရေးရမည်လဲလို့တွေးနေရင်း အတွေးထဲသို့ဖျက်ခနဲ    ပေါက်ချလာသည်ကတော့ ကျွန်တော့ပြောမနာဆိုမနာမိတ်ဆွေယောင်းရင်းများဖြစ်ကြတဲ့ စကားရေပက်မ၀င်  နိုင်အောင်ပြောနိုင်သူ၊မသိတဲ့သူတွေကတော့ကြည့်လိုက်တာနှင့်လူတော်တော်ရှိန်မည့်ရုပ်များနှင့်အချင်းချင်း….တွေ့လျှင်အင်မတင်မှရယ်စရာလုပ်နိုင်သူ(ပေါနိုင်သူများ)၊၀ိသေသအမျိုးမျိုးနဲ့ကျွန်တော်တို့သူငယ်ချင်းတစ်စုလစာထုတ်သောရက်များတွင်တခါတရံယမကာများကိုဆေးဖြစ်ဝါးဖြစ်အလို့ငှာမှီဝဲကြကုန်၏။ယမကာလေးများဝင်လျှင်ဝေဒနာများကိုအချင်းချင်းထုတ်တတ်ကြသည်၊လူငယ်တို့ဘာသာဘာဝအတိုင်းမိမိမိသားစုကြောင်း၊အချစ်  ရေးအကြောင်း၊ငယ်ဘ၀အကြောင်း ကိုနားထောင်နေသူရှိသည် မရှိသည်ကိုမဓာနမထားလေပဲ ပြောမကုန်   အောင်ရှိကြလေကုန်၏။ဒါကလဲကျွန်တော့တို့ဘ၀ရဲ့အိမ်လွမ်းဝေဒနာများကိုဖြေဖြောက်ရာတစ်ခုတည်းသော  ထွက်ပေါက်လေးတစ်ခုသာ၊စိတ်မကောင်းစရာများခံစားနေရလေလျှင်အချင်းချင်းမျှဝေခံစားကြရင်းရန်ဖြစ်လိုက် ပြန်ချစ်လိုက်နှင့် ကျွန်တော့တို့၏တကဲ့ချစ်သူများဖြစ်ကြပေ၏။ ကျွန်တော်တို့သည်စစ်သားများဖြစ်ကြသော်  လည်း တဖန်တပြိုင်နက်ထဲမှာလူများလဲဖြစ်ကြပေသည်။ထို့ကြောင့် ကျွန်တော်တို့ဘ၀ကို နားလည်ပေးသူများ ရှိသလို နားမလည်ပေးသူများနှင့်လည်းကြုံဖူးပါသည်။ အမှန်တကယ်တော့အင်မတန်မှရိုးသားဖြူစင်သောဘ၀ များကိုပြပါဆိုလျှင် ကိုယ့်ဂုဏ်ကိုဖော်မသူတော်လို့ပဲပြောပြော ကျွန်တော်တို့ဘ၀တွေကိုပဲပြမိမှာအမှန်ပင်။   စစ်သားအကြောင်း စစ်သားလုပ်ဖူးမှသိမည်ဆိုသည့်အတိုင်း စစ်သားအကြောင်းသိချင်ပါက စစ်ထဲဝင်ကြည့်ပါ  လို့သာ ကျွန်တော်ရိုးသားစွာတိုက်တွန်းလိုပါသည်။ အမှန်ပင်ရောင့်ရဲနိုင်သူများပေတကား။ဖြူလွှလွှမျော်လင့် ချက်လေးလောက်နဲ့ ကိုယ့်ကိုချစ်တဲ့ ကိုယ့်ကိုတန်ဖိုးထားတဲ့ ကိုယ့်ကိုဂရုစိုက်တဲ့ ဦးစားပေးမှုတွေများစွာကို ပြတ်သားစွာ ဖြတ်တောက်ခဲ့ပြီး အရာအားလုံးကိုပေးဆပ်ထားကြသူတွေ ဆိုတာကို သူတို့ပြောတဲ့စကားလုံး တွေကြားမှာ အထင်းသားတွေ့မြင်နိုင်ပါတယ်။စစ်သားဖြစ်သည့်အားလျော်စွာ စကားလုံးများသုံးနှုန်းသည့်အခါ အစီအစဉ်ကျချင်မှ ကျပေလိမ့်မည်၊ပေါက်ကွဲလွယ်ခြင်းသည် ကျွန်တော်တို့အားနည်းချက်ဖြစ်ပေလိမ့်မည်   ဒီအခွင့်အရေးကိုအပြည့်အ၀အသုံးချရင်း ကျွန်တော်တို့ဘ၀တွေကိုနင်းခြေသွားသူများ ကျော်ခွသွားသူများလဲ  အများအပြားကြားဖူးကြုံဖူးပါသည်။ဒါပေသည့်ကျွန်တော်တို့စကားဝိုင်းအဆုံးသတ်တိုင်းသည် နိုင်ငံတော်၏လိုအပ်သည့်နေရာတိုင်းမှာအသင့်ရှိနေသူများသာဖြစ်ချင်သောဆန္ဒမှာတစ်ထပ်တည်းသာဖြစ်ကြ ကုန်၏။ စစ်သားများသည်စစ်သွေးကြွနေသော စစ်ဘီလူးများမဟုတ်သလို ကျွန်တော်တို့ပြည်ထောင်စုကြီးပြိုကွဲ ရန်မည်သည့်နည်းနှင့်မျှလုပ်ဆောင်လိမ့်မည်မဟုတ်ဆိုသည် ကိုတော့ သိစေချင်သည်။ စစ်သားဆိုသည်မှာ စစ်သားမဖြစ်သေးသည်ကာလပတ်လုံးတွင် ပြည်သူပြည်သားများဆိုတာကိုတော့ သတိရပေးပါ။ကျွန်တော်တို့ သည်သီးခြားပေါက်ဖွားလာသော အခွင့်ထူးခံလူတန်းစားများမဟုတ်ပါ။ထိုကဲ့သို့အမြင် ခံရသောစကားလုံးများ ကိုဖတ်ရှုမိသည့်အခါတိုင်းတွင်ကျွန်တော်တို့ရင်ထဲတွင်အဘယ်လောက်မျှခံစားသွားနိုင်မလဲဆိုသည်ကိုကိုယ်ချင်းစာပေးစေလိုပါသည်။ကျွန်တော်တို့ကျခဲ့တဲ့ချွေးတွေသွေးတွေအတွက်ကျွန်တော်တို့တို့လိုချင်မှု၏တောင့်တမှုတို့သည်လက်ခုပ်သြဘာမဟုတ်သလို အခွင့်ထူးခံဖို့လဲမဟုတ်ပါ။လူတိုင်း လူတိုင်းမှာ အနာဂတ်အိပ်မက်များရှိကြပေရာ ကျွန်တော်တို့သည်လဲလူများဖြစ်ကြရ်ျ အိပ်မက်လေးများတော့ကိုယ်စီရှိကြပါသည်။သို့ပေမဲ့ ကျွန်တော်တို့အိပ်မက်များသည် အိပ်မက်မျှသာ ဖြစ်ပေ တော့သည်။အဘယ်အချိန်မှာမှ ဖြစ်လာလိမ့်မည်မဟုတ်ဆိုသည်ကတော့၉၉ ရာခိုင်နှုန်းသေချာသလောက်ဖြစ်ပေ၏။ကျွန်တော်တို့သည် အဖေအမေ အဖိုးအဖွား ညီလေးညီမလေး အမများ အကိုများဖြင့် အများသူငှာလိုနွေးထွေးစွာနေလိုကြသည်၊ကိုယ်ချစ်သော ချစ်သူနှင့် မကွဲမကွာအတူရှိချင်နေကြသည်၊ အများသူငှာ လိုအမိုးအကာအပြည့်အစုံပါသောအိမ်ထဲတွင် စောင်လေးခြုံပြီးအိပ်ချင်ကြသည်၊ သေနတ်သံများဆူညံနေသော မိုင်းကွင်းထဲကိုမသွားချင်ကြပါ၊ ခြေထောက်ပြတ်ခြင်းလက်ပြတ်ခြင်းများမဖြစ်ချင်ကြပါ၊ တစ်နေကုန်တစ်တောင်တက်တစ်တောင်ဆင်း ချောင်းကိုဖြတ် မြစ်ကိုကျော် ကမ်းပါးကိုကုတ်တက် ချောက်ကိုချောဆင်းမသွားလိုကြပါ၊သို့ပေသော်ငြားလဲ ကျွန်တော်တို့ပြည်ထောင်စုကြီးအဓွန့်ရှည်ဖို့နဲ့မည်သူတစ်ယောက်ကမှခြေဖျားလေးနဲ့တောင်မကျူးကျော်နိုင် ဖို့၊ပြည်သူလူထုတွေအေးချမ်းစွာရပ်တည်အိပ်စက်နိုင်ဖို့အတွက်တိုင်းပြည်၏နယ်နိမိတ်မျဉ်းနေရာမလပ်မှာကျွန်တော်တို့စစ်သားများတဲထိုးပြီးအသင့်ရှိ နေကြပါတယ်။သို့သော်ကျွန်တော်တို့ရဲဘော်တွေဘယ်တော့မှညဉ်း ငြူနေလိမ့်မည် မဟုတ်။ ထိုကဲ့သို့နေရာတစ်ခုတည်းတွင် မဟုတ်ပါ လိုအပ်နေသည့်နေရာတိုင်းတွင် အမြဲတမ်း အသုံးတည့်အောင်ကြိုးစားလုပ်ဆောင်နေကြသည်ကိုအသိအမှတ်မပြုချင်နေပါကျွန်တော်တို့၏ဘ၀နှင့်ခံစား ချက်များကိုတော့လူသားချင်းစာနာပေးကြစေလို၏။စကားလုံးလှလှလေးတွေသီကုံးနိုင်ဖို့ ကျွန်တော်တို့မသင်ကြားခဲ့ရလေတော့ သူငယ်ချင်းများ၏ တစ်ယောက်ချင်းစီ၏ခံစားချက်များကိုအစီအစဉ်မကျ စွာချရေးမိသောကျွန်တော့်ကိုသာ စာဖတ်သူများအပြစ်တင်ပေအံ့။
                  (မာန်အွမ်)

No comments:

Post a Comment