ရွှေလီသား(မဘိမ်း)

Monday 26 March 2012

လေးစား ဂုဏ်ယူလျှက်ပါ အဖေ

လေးစား ဂုဏ်ယူလျှက်ပါ အဖေ
အဖေ… အဖေ့သားတစ်ယောက်ဖြစ်ရတာကို ၀မ်းသာ ဂုဏ်ယူပါတယ် အဖေ။ အဖေဟာ တပ်မတော်သားပေမဲ့ အရာရှိ အရာခံကြီးတွေထဲက လူတစ်ယောက်မဟုတ်ပါဘူး။ သာမာန် စစ်သားလေး တစ်ယောက်ပါ ။ ရှေး (၄)တန်းအောင်ဆိုတဲ့ ပညာလောက်နဲ့ စစ်ထဲကို ၀င်ခဲ့တဲ့အဖေ။ အဖေ စစ်သားဘ၀ကို ခက်ခက်ခဲခဲ ဖြတ်သန်းခဲ့ပုံတွေ ပြောပြတုံးက ဒီလောက် ခက်ခဲမယ် လေးနက်မယ်လို့ မထင်မိပါဘူး အဖေ။ အဖေ ရှေ့တန်းထွက်ဖို့ ပစ္စည်းတွေ ထည့်ပေးရင်း အမေငိုတယ်လို့ ပြောတုံးက ဟုတ်ရဲ့လား အမေလို့ မေးတော့… အမေက “မဟုတ်ပါဘူး င့ါသားတို့ရယ် မင်းတို့အဖေ လျှောက်ပြောနေတာ” လို့ အမေ ရှက်ရှက်နဲ့ ပြောခဲ့တဲ့ မျက်နှာလေးတောင် ပြန်မြင်မိပါသေးတယ် ။ ရှေ့တန်းမှာ အစားသောက်ခက်ခဲကြမ်းတမ်းတယ် ၊ ရှားပါးတယ် ၊ သိပ်ဆင်းရဲတာပဲလို့ ပြောတုံးက အဖေတော့ အပိုလေးတွေ ထည့်ပြောနေပြီလို့ ထင်ခဲ့မိတာ … ခုတော့ တကယ်သိသွားပါပြီ အဖေ (တကယ်သိပါပြီဆိုလို့ စစ်သားမဟုတ်ပါ ၊ တွေ့မြင်ကြားနာ နေရတာတွေ များခြင်းကြောင့် သိပါပြီလို့ ဆိုလိုခြင်းသာဖြစ်ပါသည်)။ အဖေ ရှေ့တန်းထွက်တုံးက တောင်စောင်းလေးမှာ ညအိပ်တုံး မိုးတွေရွာလို့ မိုးကာလေးနဲ့ ပတ်ပြီး အိပ်ခဲ့ရတာတွေ … တစ်ချို့သစ်ရွက်တွေက ညဆို မီးလင်းတယ် ၊ အရောင်တွေ ထွက်တတ်တယ်လို့ အဖေပြောတုံးက ဟုတ်ကော ဟုတ်ရဲ့လား ဆိုပြီး စိတ်ဝင်စားခဲ့ဖူးတဲ့ ညလေးတွေကို သတိရနေမိတယ် အဖေ ။ ရှေ့တန်းမှာ စစ်သားအချင်းချင်း ၊ အရာရှိနဲ့ စစ်သားတို့ တစ်ယောက်နှင့် တစ်ယောက် ဘယ်လောက် ချစ်ခင် ၊ စည်းရုံးကြတယ်ဆိုတာ အဖေပြောတုံးက သိပ်နားထောင်လို့ ကောင်းတာပဲ အဖေ ။ အဖေ နေမကောင်းလို့ အဖေတို့ အရာရှိက သူ့အနွေးထည်ပေးဝတ်တုံးက အဖေပြောဘူးတာလေးကို သတိရနေသေးတယ်အဖေ ။ ငါ့သား အကြီးကောင်ကိုလည်း ဒီလို အရာရှိ ဖြစ်စေချင်လိုက်တာ ။ အရာရှိ ၀တ်စုံနဲ့ ငါ တွေ့ချင်လိုက်တာလို့ အကိုကြီးကို ရည်ရွယ်ပြီးပြောခဲ့တဲ့ အဖေ့စကားလေးကို မှတ်မိသေးတယ်။
အဖေတို့ ရှေ့တန်းက ပြန်လာရင် နောက်တန်းက အမေတို့ရဲမေတွေ အောင်သပြေပန်းတွေ စံပယ်ပန်းတွေ ၊ နှင်းဆီပန်းတွေနဲ့ ကြိုဆိုကြတဲ့ပုံတွေကို ဇာတ်ကားတွေထဲမှာ ကြည့်ကြည့်မိတိုင်း မျက်ရည်တောင် ၀ဲမိတယ် အဖေ ။ အဖေတို့ ရှေ့တန်းက ပြန်လာရင် ကြိုဆိုတဲ့ ဗိုလ်ရှုသဘင် သီချင်းထဲက “တိုးတိုးကာ လူတွေထဲ မေလည်း ပါနေပြီ “ ဆိုတဲ့ စာသားလိုပဲလား ၊ ဟုတ်လားအမေလို့ ပြန်မေးတိုင်း “ဟုတ်တာပေါ့ ငါ့သားရဲ့ ကိုယ့်ယောကျာင်္း ၊ ကိုယ့်ချစ်သူတွေ ပြန်လာကြတာကို ကြိုကြတာဆိုတော့ အတင်းတိုးကြိတ်ပြီး သူ့ထက်ငါ ဦးအောင် မြင်ချင်ကြတာကိုး” တဲ့ အမေ အဲလိုပြောဘူးတာလေးလည်း သတိရနေသေးတယ် အဖေ။ ဟာသလေး တစ်ခုကိုလဲ ခုထိ မှတ်မိနေသေးတယ် အဖေ ။ အဖေက ရှေ့တန်းတစ်ခါ ထွက်ရင် အကြာကြီးထွက်ကြရတော့ ပြန်လာတဲ့အခါမှာ မုတ်ဆိတ်တွေ နုတ်ခမ်းမွှေးတွေနဲ့ အသားတွေကလဲ မဲနေတော့ … လူအုပ်ကြားထဲမှာ အမေက အဖေ့ကို မမှတ်မိ ၊ လူကလဲ ကုန်တော့မယ်ဆိုတော့ ကိုယ်သိတဲ့ တစ်ယောက်ကို ပြန်ကုံးစွပ်လိုက်တာကို စိတ်ဆိုးပြီးရန်တွေ ဖြစ်ကြတယ်ဆုိတာကိုလဲ ခုထိမှတ်မိနေသေးတယ် အဖေ ။ အဖေတို့စစ်သားဘ၀တုံးက လစာနဲနဲလေးနဲ့ မိသားစုတွေ ဖြတ်သန်းခဲ့ရတာလေးတွေကို အဖေပြောပြတာတွေကိုလည်း သတိရမိနေပါသေးတယ် အဖေ ။ အဖေဟာ တပ်မတော်ထဲမှာ (၁၅) နှစ်တိုင်တိုင် တာဝန်ထမ်းဆောင်ပြီး အငြိမ်းစားယူလိုက်ပါတယ် ။ အဖေ့လို ပညာတတ်လည်း မဟုတ်၊ ရိုးရိုးစစ်သားလေး ဘ၀နဲ့ နိုင်ငံတော်အတွက် ရှေ့တန်းတွေ ခနခနထွက်ခဲ့ရတဲ့အဖေ ၊ စစ်ဥပဒေတွေကို စိတ်အားထက်သန်သန်နဲ့ ပြောတတ်တဲ့အဖေ ၊ စစ်ကားတွေ ကြည့်တိုင် ငါတို့တုံးက အဲဒီနားမှာဆို ဒီလိုမဟုတ်ဘူး ၊ ဟိုနားလေးက လိုနေတယ် စသဖြင့် ဝေဖတ်တတ်တဲ့အဖေ ၊ စစ်သား တွေနဲ့တွေ့ရင် မိမိသည်ခုလက်ရှိ စစ်သားကဲ့သို့ ခုထိတိုင် ပြောဆိုတတ်တဲ့ အဖေ ၊ အဖေရေ အဖေ့သား ဖြစ်ရတာ ဂုဏ်ယူပါတယ် အဖေ။ ခု မတ်လ ၂၇ ရက်နေ့မှာ ကြရောက်မည့် (၆၇) နှစ်မြောက် တပ်မတော်နေ့ နဲ့အတူ အဖေရယ် အဖေပြောပြောနေတတ်တဲ့ အဖေ့သူငယ်ချင်း စစ်သားအိုကြီးတွေရယ် ကျွန်တော့် အသိမိတ်ဆွေ ဦးလေးကြီးများ ၊ အကိုကြီးများ ၊ သူငယ်ချင်းများ ၊ ညီလေးများကို အဖေနဲ့ အတူ ဂုဏ်ပြုလိုက်ရပါကြောင်း ။
• စာမရေးတာ ကြာပြီဖြစ်လို့ အမှားတွေပါရင် ၊ စစ်အသုံးနှုန်းမကြရင် နားလည် ခွင့်လွှတ်ပေးပါ။
အားလုံးကိုလေးစားလျှက်
ရှင်းသန့် (၂၆.၀၃.၂၀၁၂)

No comments:

Post a Comment