ရွှေလီသား(မဘိမ်း)

Loading...

Thursday, 22 March 2012

မေရယ် အထင်တော့မလွဲလိုက်နဲ့ဦး...



စစ်သားတစ်ယောက်ရဲ့ ၇င်တွင်းခံစားချက်ကို စစ်သားတွေကလွဲလို့ ဘယ်သူမှ မသိနိုင်ပါဘူး ။ အချင်းချင်းပဲသိနိုင်ပါတယ် ။ တကယ်တော့ စစ်သားတစ်ယောက်ဟာလည်း လူထဲက လူပဲလေမို့ ချစ်တတ်၊ ခံစားချက် ၊ ကြေကွဲတတ် ၊ ၀မ်းနည်းတတ်ကြပါတယ် ။ 

တချို့တွေကတော့စစ်သားဆိုတာနဲ့ စိတ်ကြမ်း ၊လူကြမ်းနဲ့ လူရိုင်းကြီးတွေလို့ ထင်တတ်ကြပါတယ် ။ တကယ်ဆိုရင်စစ်သားတွေရဲ့ စိတ်ကပိုပြီးတောင် ခံစားလွယ်ပါသေးတယ် ။ စစ်သားဆိုတဲ့ ဂုဏ်ပုဒ်နဲ့ ညီအောင်သာ ကိုယ့်ကို ကို စိတ်ဓာတ်ခိုင်မာအောင် နေထိုင်ပြုမူဆောင်ရွက်ကြရတာပါ ။ မိဝေး၊ ဖဝေးနဲ့ ချစ်သူ ၊ ကြင်သူတို့ရဲ့ အဝေးမှာ တာဝန်ဆိုတဲ့ ထမ်းပိုးကြီးကို ၂၄ နာ၇ီ အပြည့်ထမ်းရွက်နေကြရတာပါ ။ တခါတလေ အဖေ နေကောင်းရဲ့လား ? အမေ နေကောင်းရဲ့လား တောင် သိခွင့်မရနိုင်တဲ့ အခြေအနေတွေလည်း ရှိပါတယ် ။ အဆုံးအစွန်ထိ ပြောရရင် အဖေ ၊ အမေဆုံးလို့ ရှိရင်တောင် မျက်နှာလေးတောင် ပြန်မပြနိုင်ပဲ ကိုယ်ရေး ကိုယ်တာတွေအားလုံးထက် တာဝန်ကို ဦးစားပေးနေကြ၇သူများဖြစ်ပါတယ် ။ တာဝန်တွေပြီးဆုံးခါမှ အဖေ၊ အမေ တို့ရဲ့ မြေပုံလေးဘေးမှာ ဖြေမဆည်နိုင်စွာနဲ့ပဲ ကြိတ်ငိုကြရပါတယ် ။

ချစ်သူဆိုလည်း ချစ်သူအလျောက် သာယာမှု ပျော်ရွှင်မှုပေါင်းများစွာကို ပေးချင်ပေမယ့်လည်း မပေးနိုင်ကြရရှာပြန်ပါဘူးဗျာ ။ ချစ်သူဆီတောင် တခါတလေ မအားလပ်ကြ၇ှာလို့ စာလေးတစ်စောင် တောင် မရေးနိုင်၊ ဖုန်းလေးတခါတောင် မဆက်နိုင်လို့ ချစ်သူက ခဏခဏ စိတ်ကောက်တဲ့အခါပေါင်းလည်း မနည်းပါဘူး ။နားမလည်ပေးနိုင်တဲ့ မိန်းကလေးမျိုးနဲ့ဆို တသက်တာဝေးရတဲ့ အခြေအနေကိုလည်း ရောက်ကြရပါတယ် ။ သြော် ချစ်သောသူနဲ့ ဘယ်သူကတော့ ဝေးချင်မှာလည်းလေ ကိုယ့်ချစ်သူအလိုတကျ ဘေးမှာ နေပေးချင်တာပေါ့ ။ ချစ်သူကို ကို့ရဲ့ရင်ခွင်လေးထဲမှာ ထားပြီး ချစ်သူရဲ့ တီတီတာတာ ချွဲနွဲ့မှုလေးကို လိုချင်တာပေါ့ ခုတော့ ချစ်သူကိုယ်စား သေနတ်တစ်လက်ကို ရင်မှာပိုက်လို့ ကိုယ့်နိုင်ငံ ကိုယ့်ဒေသ ကိုယ့်လူမျိူး သူတစ်ပါး မကျူးကျော်နိုင်အောင် မထိပါးနိုင်အောင် ကာကွယ်စောင့်ရှောက်၇င်း တော်ရာမှာ မပျော်သာတဲ့ မင်းခယောကျာင်္းများ အဖြစ်သာ နေကြရပါတယ် ။ ကိုယ်က ချစ်သူကို အနီးကပ်သာယာမှု စိတ်ချမ်းသာမှု မပေးနိုင်လာတဲ့အခါမှာ ဘယ်သောအခါများ ကိုယ့်ကို ထား၇စ်ခဲ့လေမလည်းလို့လည်း အမြဲစိုး၇ိမ် ပူပန်နေကြ၇ပါတယ် ။ ကျွန်တော်တို့ စစ်သားတွေကို ချစ်ကြရတဲ့ မိန်းကလေးများကိုလည်း များစွာ စာနာမိပါတယ် ။ သူတို့တွေလည်း သူများချစ်သူတွေလို ချစ်သူလက်ကို တွဲလို့ နေရာအနှံ့ လျှောက်လည်ချင်ကြမှာပေါ့နော် ။ စစ်သားချစ်သူတယောက်အမြဲ ဖြစ်နိုင်ဖို့လည်း သူတို့အနေနဲ့ ပါ၇မီဖြည့်ဖက်ကောင်းတစ်ယောက် ဖြစ်နိုင်ဖို့ များစွာ ကြိုးစားအားထုတ်နိုင်မှ၊ စိတ်ဓာတ်များစွာ ခိုင်မာအောင်လည်း ကြိုးစားကြရမှာပါ။

 စစ်သားတိုင်းကလည်း အချိန်ပေးနိုင်တဲ့တနေ့၊ တာဝန်တွေအားလပ်တဲ့တစ်နေ့မှာ ချစ်သူအတွက်ဘယ်လို အစားထိုးပေးဆပ်နိုင်မလည်းဆိုတာ အစဉ်အမြဲ တွေးတောနေကြမယ်ဆိုတာ မလွဲနိုင်တဲ့ အဖြေတစ်ခုပါဘဲ ။ အချိန်အတိုင်းအတာ တစ်ခုကိုတော့ စစ်သားတစ်ယောက်အနေနဲ့ရော၊ စစ်သားတွေရဲ့ ချစ်သူတယောက် အနေနဲ့ရော ရင်ဆိုင် ကြံ့ကြံ့ခံနိုင်ဖို့ ကြိုးစားကြရပါမယ် ။ အချိန်အတိုင်းအတာတစ်ခုကို ကျော်လွန်ပြီဆိုရင်တော့ ချစ်သူနှစ်ဦးအတွက် ပျော်ရွှင်စရာပေါင်းများစွာကို ဖန်င်္တီးနိုင်ကြမှာပါ ။ အခုတော့လည်း စိုင်းဆိုင်မောဝ် သီချင်းထဲကလိုပဲ "မေရယ် အထင်တော့မလွဲလိုက်နဲ့ဦး" လို့ပဲဆိုပါ၇စေနော်.......
                                                                                                                                             နေမင်းသံလွင်





https://www.facebook.com/note မှကူးယူဖော်ပြပါသည်။

No comments:

Post a Comment