ရွှေလီသား(မဘိမ်း)

Saturday 3 March 2012

ဒိုင်ယာယီအပိုင်းအစ


မိန်းကလေးတစ်ယောက်ရဲ့ အချစ်ဦးဖြစ်ခွင့်ရခဲ့ဖူးတယ်။ ဒါပေမဲ့ သူမနဲ့ကျွန်တော် ချစ်သူတွေမဖြစ် ခဲ့ကြဘူး။ တစ်ခါတစ်လေမှာ လွှဲမှားမှုခပ်သေးသေးလေးက ချစ်ခြင်းအစစ်အမှန်တွေကိုေ၀၀ါးသ လိုလိုနဲ့ တိကျစွာသင်းသတ်ခြင်းခံရတတ်လေရဲ့။ ဘ၀ရဲ့ချစ်ခြင်းနဲ့ဆိုင်တဲ့အမှားတွေမှာ    correction pen သုံးလို့မှမရတာဗျာ။ ခုတော့ သူနဲ့ကျွန်တော်ကမ္ဘာ့တစ်ဖက်ခြမ်းစီနဲ့ ဝေးတဲ့နေ ရာမှာ…………………………………………………………………………………………………………………     
   …..သူမရဲ့အနွံတာခံမှုတွေအပေါ် ကျွန်တော်အနိုင်ယူခဲ့ဖူးတယ် သူမရဲ့ဂရုစိုက်မှုတွေနဲ့ ပျော်ရွှင် ခဲ့ဖူးတယ်။သူမနဲ့ကြောက်စရာပြပွဲတစ်ခုကို အတူတူဝင်ကြည့်ဖူးတယ်။သူမ ကိုစက်ဘီးပေါ်မှာတင် ပြီးတောင်ကုန်းခပ်မြင့်မြင့်တွေပေါ်ကို မမောချင်ရောင်ဆောင်ရင်းနဲ့ နင်းတက်ခဲ့ဖူးတယ်။သူမနဲ့   ငြင်းခုံခဲ့ကြဖူးတယ်။သူမနဲ့စာတွေအတူတူကျက်ခဲ့ဖူးတယ်။ထီးတစ်လက်ထဲတူတူဆောင်းပြီးနေပူပူမှာလမ်းလျှောက်ခဲ့ဖူးတယ်။သူမနဲ့စာမေးပွဲ ခုံနံပါတ်တွေကိုအတူတူသွားကြည့်ခဲ့ဖူးတယ်။သူမလက် ရေးနဲ့ကူးပေးထားတဲ့ စာတွေကျွန်တော်စာအုပ်ထဲမှာအများကြီးရှိခဲ့ဖူးတယ်။ သူမအိပ်နေတုန်း သူမ ပါးပေါ်ကိုသနားလေးတွေလူးပေးခဲ့ဖူးတယ်။ကျွန်တော်ခွာပေးတဲ့နေကြာစေ့ကိုမှသူမစားတာကိုသိခဲ့ ဖူးတယ်။တခြားကောင်လေးတွေသူ့မကိုပေးတဲ့ မေတ္တာစာတွေကို တစ်ခုမကျန်ကျွန်တော့ကိုပြဖူး  တယ်။သူမနဲ့အတူဓါတ်ပုံတွဲရိုက်ဖူးတယ်။တခါတလေ ဆရာကြီးသဖွယ်ဆုံးမတတ်တဲ့ သူမရဲ့စကား ကိုနားထောင် ဖူးတယ်။သူမဖိနပ်ပြတ်သွားချိန်မှာ ကျွန်တော်စီးထားတဲ့ဖိနပ်တစ်ရံကို သူမကိုချွတ် ပေးခဲ့ဖူးတယ်။သူမပြုံးလိုက်ရင်အရမ်းလှမှန်းကျွန်တော်သတိထားမိဖူးတယ်။သူမရဲ့အရမ်းရယ် တတ်တဲ့အကျင့်ကိုပြင်ဖို့သတိပေးခဲ့ဖူးတယ်။သူမလက်ဖောင်းဖောင်းလေးတွေကိုကိုင်ကြည့်ဖူး တယ်။ စကားပြောလိုက်ရင် နှာသံလေးနှောနေတဲ့ သူမစကားသံလေးတွေကို သာယာခဲ့ဖူးတယ်။ သူမ   နားရွက်နားကပ်ပြီး တီးတိုးစကားဆိုခဲ့ဖူးတယ်။ကောင်းသန့်စာအုပ်လေးတွေမှာ ကျွန်တော်ပြောချင်တဲ့စကားနဲ့တိုက်ဆိုင်တဲ့စကားစုလေးတွေကိုမျဉ်းတားပြီးပေးခဲ့ဖူးတယ်။အတန်းတစ်တန်းထဲမှာနေပေမဲ့ တစ်ယောက်နဲ့တစ်ယောက် စကားမပြောကြေးဆိုပြီး စာနဲ့ပဲရေးပြီးပြောခဲ့ဖူးတယ်။လက်ကိုင်ပ၀ါ ပေးရင်ဝေးရတတ်တယ်ဆိုတဲ့ ဘယ်သူပြောထားမှန်းမသိတဲ့နိယာမကို လက်မခံတတ်တဲ့ကျွန်တော် သူမပေးတဲ့ လက်ကိုင်ပုဝါ  အ၀ါရောင်လေးကို ပြောင်စပ်စပ်နဲ့လက်ခံဖူးတယ်။
သူမအမေရဲ့ ခပ်ထေ့ထေ့စကားသံတွေရဲ့အောက်မှာ ကျွန်တော်နာကျဉ်ခဲ့ဖူးတယ်။ ပြီးတော့ သူမကို မီးခြစ်အနီရောင်လေးတစ်လုံး လက်ဆောင်ပေးဖူးတယ်။ ………………………………………………… ပြီးတော့ ….ပြီးတော့..  ကျွန်တော်သူမအချစ်ကို လစ်လျူရှုဖူးတယ်……………………………..........
          မိန်းကလေးတစ်ယောက်ရဲ့အချစ်ဦးဖြစ်ခွင့်ရတဲ့ ယောင်္ကျားတစ်ယောက်အတွက်တော့ တစ်သက်လုံးအမှတ်ရနေစေမဲ့ ဆုလဒ်တစ်ခုတော့ လက်ဆောင်ရကောင်းရနေပါလိမ့်မယ်။ ဒါပေမဲ့ ၀ိုင်းပြောကြတဲ့သူငယ်ချင်းတွေဆီက ကျွန်တော်ရလိုက်တဲ့ဆုလဒ်က “ နင်အတ္တသိပ်ကြီးတယ် ကိုယ်ဖက်ကိုယ်ပဲကြည့်တယ်“  တဲ့ဗျာ။ကိစ္စမရှိပါဘူး ကျွန်တော်နာကျဉ်စွာနဲ့ပျော်ရွင်နိုင်ပါတယ် ။
ကိုယ်ချစ်တဲ့သူတစ်ယောက်ကဘယ်အချိန်ဖွင့်ပြောလာမလဲစောင့်ရတဲ့မိန်းကလေးတစ်ယောက်ရဲ့ နာကျဉ်မှုမျိုးကိုသူငယ်ချင်းကောင်မလေးတစ်ယောက်ပြောပြလို့မှတ်သားခဲ့ရပေမဲ့ သူမအမေရဲ့ စကားလုံးတွေနဲ့တင် ကျွန်တော်မောင်းနှင်နေတဲ့ အချစ်တွေအားလုံး တုံ့ခနဲနေအောင် ရပ်တပ်ပြစ်လို့ရတယ်။ စစ်သားကို အထင်မကြီးတတ်တဲ့ သမီးရှင်နဲ့ စစ်သားဖြစ်ချင်တဲ့ ကျွန်တော် တို့ကြားမှာ ကွာဟမှုကကြီးမားနေတယ်။လားလားမှမအပ်စပ်တဲ့ အသိုင်းအ၀ိုင်းတစ်ခုရဲ့ဝေးရာ အရပ် တစ်နေရာမှာ ကျွန်တော်အချစ်တွေမြုပ်နှံသချိ င်္ုပြစ်လိုက်တယ်။ ကျွန်တော် တရားပါတယ် နော် ။သူမချစ်ခြင်းတွေသာစစ်မှန်ခဲ့ရိုးဆိုရင် ကျွန်တော်တို့ပေးဆပ်လိုက်ရတာခြင်းတူညီခဲ့ ပါတယ်။
      သူငယ်ချင်းဆိုတဲ့ခေါင်းစဉ်အောက်မှာရေးထားတဲ့ သူမအတွက်စာတစ်စောင်နဲ့တစ်ခြား ကောင်မလေးတစ်ယောက်ကို ကျွန်တော့်အချစ်အကြောင်းတွေပြောပြထားတဲ့စာတစ်စောင်၊ စာနှစ်စောင်ထည့်ထားတဲ့ စာအိပ်တစ်လုံးသူ့မ လက်ထဲရောက်အောင်ပို့လိုက်တဲ့နေ့တုန်းက သူမ ကောင်လေးတစ်ယောက်ကို အဖြေပေးလိုက်တယ် ဆိုတဲ့သတင်းကိုပဲ ကျွန်တော်ခပ်ဆွေးဆွေး လေးကြားလိုက်ရတယ်။
      သူမပေးခဲ့ဖူးတဲ့ လက်ကိုင်ပုဝါ လေးကိုပဲ အယုံအကြည်မရှိစွာလက်ခံခဲ့ရ်ျလားတော့မသိ ကျွန်တော်တို့တွေ့ဆုံမှုက မနေ့ညကမက်ခဲ့တဲ့ ဆောင်းတွင်းအိပ်မက် တစ်ခုလိုပါပဲ။ကရောက် ကရက်နဲ့ပေါ့။ ဘယ်ကစလို့ဘယ်မှာဆုံးရမယ်မသိတဲ့သံသရာကြီးထဲမှာ နှလုံးသားမဲ့စွာနဲ့အသက် ရှင်ရတာပင်ပန်းလွန်းပါတယ်။
(ဆလိုင်းမာန်အွမ်) ၃/၃/၂၀၁၂   12:55 pm

No comments:

Post a Comment